ԱՄՆ-ի և Ռուսաստանի Գլխավոր շտաբերի ղեկավարները հանդիպում կունենան Բաքվում
ԱՄՆ ԶՈՒ Շտաբերի հրամանատարների միացյալ կոմիտեի ղեկավար գեներալ Ջոզեֆ Դանֆորդը և Ռուսաստանի ԶՈՒ գլխավոր շտաբի հրամանատար Վալերիյ Գերասիմովը կհանդիպեն փետրվարի 16-ին՝ Բաքվում: Այդ մասին հայտնում է Reuters-ը՝ հղում կատարելով Պենտագոնին:
Նշվում է, որ նրանք կքննարկեն զինվորականների միջև հաղորդակցման կարևորությունը:
«Ղեկավարները կքննարկեն բազում տարբեր հարցեր, այդ թվում նաև ԱՄՆ-ի և Ռուսաստանի միջև ներկայիս հարաբերությունները՝ կապված զինվորական կապերի հետ»,- ասվում է հաղորդագրության մեջ:
ԱՄՆ ՊՆ-ում ավելացրել են, որ ներկայացուցիչները ծրագրում են քննարկել նաև զինվորականների միջև մշտապես շփման առկայության կարևորությունը՝ հնարավոր ճգնաժամերի կանխարգելման համար:
Ներկայիս պահին Ռուսաստանի և ԱՄՆ-ի զինվորականների միջև գոյություն ունի
միջադեպերի կանխարգելման գծով հարաբերություն Սիրիայի երկնքում:
1in.am
