Լվովի մարզի հանքահորում պայթյուն է տեղի ունեցել. հանքափորներ են զոհվել

Ուկրաինայի Լվովի մարզում հանքահորում պայթյուն է տեղի ունեցել, որը հանգեցրել է լեռնապարի փլուզման, հայտնում է «112» հեռուստաալիքը:

Պայթյունի պահին հանքահորում 34 մարդ է եղել: Նախնական տեղեկություններով՝ 8 հանքափոր է զոհվել, 6-ը վնասվածքներ են ստացել, եւս 20-ի ճակատագիրն անհայտ է:

Փրկարարները հանքահորից հանքափորների են դուրս բերում, որոնց ճակատագիրը նախկինում անհայտ էր: 20 հանքափորներին դուրս են բերում վերելակի միջոցով:

Ուկրաինայի նախագահ Պյոտր Պորոշենկոն Լվովի մարզի հանքահորում տեղի ունեցած ողբերգության կապակցությամբ համաուկրաինական սուգ է հայտարարել:

 News.am