Թրամփ. Սիրիայի դեմ ռազմական առավել քայլերի դիմելը բացառված չէ
ԱՄՆ նախագահն ասել է, որ անհրաժեշտության դեպքում Վաշինգտոնը Սիրիայի դեմ ռազմական նոր քայլեր կձեռնարկի:
«Սպուտնիկ» լրատվական գործակալության հաղորդման համաձայն' ԱՄՆ նախագահ Դոնալդ Թրամփը շաբաթ օրը Կոնգրեսին հղած նամակով Սիրիայում իր ռազմական քայլի մասին պաշտոնապես տեղեկացրել է Կոնգրեսի անդամներին ու կրկնել Սիրիայի կառավարության կողմից քիմիական սպառազինության կիրառման անհիմն մեղադրանքը:
Թրամփն առանց որևէ ապացույց ներկայացնելու հայտարարել է, որ Սիրիայում ավիաբազայի դեմ հարձակման նպատակը «քիմիական հարձակումների իրականացման համար Սիրիայի զինված ուժերի կարողության սահմանափակումը և քիմիական սպառազինություն արտադրելուց ու կիրառելուց Սիրիայի կառավարությանը հրաժարեցնելն» է եղել:
Այն դեպքում երբ Աֆղանստանում ու Իրաքում ԱՄՆ-ի ռազմական միջամտությունների փորձը վկայում է այդ երկրներում ճգնաժամ ու անհանդարտություն ծագելու մասին, Դոնալդ Թրամփն այս նամակում հայտարարել է, որ Վաշինգտոնի քայլը սատարելու է տարածաշրջանում կայունության վերականգնմանը:
