ԱՄՆ նախագահի դուստրը հորը համոզեց հրթիռակոծել Սիրիան
Ապրիլ 10, 2017 13:26 Asia/Tehran
ԱՄՆ նախագահի դուստրը՝ Իվանկա Թրամփն իր հորը համոզեց հրթիռային հարված հասցնել Սիրիային:
The Independent թերթի կայքի փոխանցմամբ՝ ԱՄՆ նախագահ Դոնալդ Թրամփի դուստրը՝ Իվանկա Թրամփն աջակցել է Սիրիայի ավիաբազան հարվածելու հոր որոշմանը:Նա հայտարարել է, որ հպարտանում է նրանով: Այս մասին Իվանկա Թրամփը գրել է թվիթերի իր էջում:
Անդրադառնալով թվիթերի էջում Իվանկա Թրամփի գրառմանը, ԱՄՆ-ում Բրիտանիայի դեսպանն ասել է.«Սիրիայից ստացված լուսանկարները զայրույթ ու ցավ են փոխանցում քիմիական անողոք հարձակման վերաբերյալ»:
Հիշեցնենք, որ ապրիլի 7-ին ԱՄՆ-ն 59 «Տոմագավկ» տեսակի թևավոր հրթիռներ է արձակել Սիրիայի արևմտյան Հոմս նահանգում գտնվող «Շայրաթ» ռազմաբազայի ուղղությամբ: Զոհվել են 9 խաղաղ բնակիչներ՝ այդ թվում հինգ երեխաներ:
Պիտակ
