Սիրիայի ԱԳՆ-ում պատասխանել են Ասադի հասցեին Թրամփի վիրավորանքին

Սիրիայի ԱԳՆ-ում պատասխանել են երկրի նախագահ Բաշար Ասադի հասցեին ԱՄՆ նախագահ Դոնալդ Թրամփի վիրավորանքին։

«Եթե դուք ինքներդ կենդանի եք, պետք չէ մտածել, որ մնացած բոլորն էլ այդպիսին են»,-RIA Novosti-ի հետ զրույցում ասել է գերատեսչության ղեկավարի օգնական Այման Սուսսանը։

Գործակալության զրուցակիցը հիշեցրել է, որ Ասադն ինքնիշխան պետության նախագահ է և ընտրվել է ժողովրդի կողմից։Նրան պետք է բնութագիր տա սիրիացի ժողովուրդը, այլ ոչ թե Թրամփը՝ ընդգծել է նա։

Ավելի վաղ Թրամփը, մեկնաբանելով սիրիական Շայրաթ ավիաբազային հրթիռային հարված հասցնելու իր որոշումը, քննադատել էր Մոսկվային Ասադին աջակցելու համար։ «Եթե Ռուսաստանը չգնար ու չաջակցեր այդ կենդանուն, այժմ խնդիրներ չէին լինի»։

1in.am