Լավրով. ՌԴ-ի եւ ԵՄ-ի հարաբերությունների վիճակը գոհացնող չէ
Ռուսաստանի եւ Եվրամիության հարաբերությունների վիճակը չի կարող գոհունակության զգացում առաջացնել:
Այս մասին ՌԴ ԱԳ նախարար Սերգեյ Լավրովը հայտարարել է Ֆինլանդիայի ԱԳ նախարար Թիմո Սոյնիի հետ բանակցություններից հետո, փոխանցում է ՏԱՍՍ-ը:
«Քննարկել ենք Ռուսաստանի եւ Եվրամիության հարաբերությունների վիճակը: Այն, իհարկե, ոչ մի գոհունակություն չի կարող առաջացնել: Մենք հիշեցրել ենք ներկայիս փակուղուց հարաբերությունները հանելու առաջարկների մասին, առաջարներ, որոնք Ռուսաստանի նախագահ Վլադիմիր Պուտինի կողմից 2016 թվականի հունիսին փոխանցվել են Եվրահանձնաժողովի նախագահ Ժան Կլոդ Յունկերին»,- ասել է Լավրովը:
Պուտինի եւ Յունկերի հանդիպումը տեղի է ունեցել 2016-ի հունիսի 16-ին Պետերբուրգի տնտեսական միջազգային համաժողովի շրջանակում: Այդ ժամանակ, փակագծերում թողնելով ՌԴ նկատմամբ եվրոպական պատժամիջոցների թեման, Ռուսաստանի նախագահը եւ Եվրահանձնաժողովի ղեկավարը քննարկել էին Մոսկվայի եւ Բրյուսելի փոխգործակցության տարբեր ուղղությունները՝ ներառյալ էներգետիկ նախագծերը:
News.am
