Լավրովն ու Թիլերսոնը քննարկել են Սիրիան
Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ռեքս Թիլերսոնը մայիսի 5-ի երեկոյան հեռախոսազրույց են ունեցել:
Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ռեքս Թիլերսոնը մայիսի 5-ի երեկոյան հեռախոսազրույց են ունեցել, որի ընթացքում քննարկել են Սիրիայում իրավիճակի դեէսկալացիայի հնարավորությունները ու պայմանավորվել ռուս- ամերիկյան հետագա շփումների մասին։ Այս մասին հայտնում է Ռուսաստանի ԱԳՆ մամուլի ծառայությունը։
Հայտնում են, որ զրույցը տեղի է ունեցել ամերիկյան կողմի նախաձեռնությամբ։ «Ուշադրության կենտրոնում է գտնվել սիրիական կարգավորման թեման»,- ասվում է հաղորդագրությունում։ Մասնավորապես քննարկվել են Սիրիայում իրավիճակի դեէսկալացիայի ուղիները, հրադադարի ռեժիմը կայուն դարձնելու, միջսիրիական բանակցություններին արտաքին աջակցությունն աշխուժացնելու հնարավորությունները։
News.am
