Մամուլի տեսություն 24-05-2017
Խոռամշահրի ազատագրման օրը՝ խորդադի 3-ը Իրանի պատմության և Սրբազան պաշտպանության պանծալի օրերից մեկն է:
«ԻՌՆԱ»
Այսօր Խոռամշահրի ազատագրման տարեդարձն է
Իրանի կառավարության նիստում, նախագահ Հասան Ռոհանին անդրադարձել է Խոռամշահրի ազատագրման տարեդարձին, ասելով.«Խորդադի երեքը(մայիսի 24-ը) Իրանի պատմության և Սրբազան պաշտպանության պանծալի օրերից մեկն է: Դա այն օրն է , երբ Իրանի ժողովուրդը հաղթեց համաշխարհային մեծ դավադրությանը»:
Իրանի իսլամական հեղափոխության պատմության էջերում Խոռամշահրի ազատագրման սխրագործությունն այսօր առավել քան երբևէ շարունակում է իր հերոսական, զարգացման ու առաջընթացի ուղին: Ինչպես լուսահոգի Իմամ Խոմեյնին է ասել «Աստված ազատագրեց Խոռամշահրը»:
-----
«Իրան»
Այսօր Իրանի նախագահ ՝ Հասան Ռոհանին ԻԻՀ հիմնադիր լուսահոգի Իմամ Խոմեյնիի դամբարան է այցելել ՝ հարգելով հեղափոխության հիմնադրի հիշատակը:
Իմամի դամբարանում նախագահը հանդիպում է ունեցել Հոգելույս Իմամի թոռան ՝ Հոջ. Հասան Խոմեյնիի հետ: Հանդիպմանը Նախագահ Ռոհանին ասել է .«Իմամը մեզ սովորոցրեց, որ այս հեղափոխությունը պահպանվում է ժողովրդի շնորհիվ»:
«Ալիք»
Թեհրանի հայոց թեմի պատվիրակությունը հարգեց Իմամ Խոմեյնիի հիշատակը
Իրանում կրոնական փոքրամասնությունների ներկայացուցիչներն այցելեցին իսլամական հեղափոխության հիմնադիր առաջնորդ ՝ հոգելույս Իմամ Խոմեյնիի դամբարան ՝ հարգանքի տուրք մատուցելով նրա հիշատակին: Այցը կազմակերպվել էր հոգելույս իմամի մահվան 28-րդ տարելիցին նվիրված միջոցառումների շրջանակում:
Այդ նպատակով, առավոտյան հայոց թեմի պատվիրակությունը , դամբարանի հյուրերի հատուկ օթյակում հանդիպում է ունեցել Հոջ. Սեյյեդ Հասան Խոմեյնիի հետ, իսկ օրվա երկրորդ կեսին Թեհրանի հայոց թեմի պատվիրակությունը ՝ մյուս փոքրամասնությունների պատվիրակությունների հետ միասին ներկա գտնվեց դամբարանում և ծաղկեպսակ տեղադրելով լուսահոգի Իմամ Խոմեյնիի շիրիմին, հարգեց նրա հիշատակը:
Թ. Հ. Թ. Թեմական խորհրդի ատենապետն իր ելույթում, կարևորեց իմամ Խոմեյնիի ղեկավար դերը ՝ Իրանի ժողովրդի մոտ միասնականություն ստեղծելու և հզոր ու անվտանգ երկիր կերտելու գործում:
-----
Բրիտանիայի Մանչեսթեր քաղաքում համերգային ծրագրի ժամանակ տեղի ունեցած պայթյունի զոհ են գնացել 22 հոգի: Վիրավորների թիվը 59-ն է հայտարարվել: ԻԼԻՊ ահաբեկչական խմբավորումը ստանձել է պայթյունի պատասխանատվությունը:
Այս դեպքին «Շարղ» օրաթերթն անդրադարձել էր հետևյալ խորագրով ՝
«Սև նոտան»
Իսկ «Ջավան» օրաթերթը գրել էր ՝
«Պար Ռիադում, իսկ մահվան համերգ ՝ Մանչեսթերում»
-----
«Շարղ»
ՄԱԿ-ի գլխավոր քարտուղարը շնորհավորել է Իրանի նախագահին
ՄԱԿ-ի գլխավոր քարտուղար ՝ Անտոնիո Գուտերեշը շնորհավորել է Հասան Ռոհանիին ՝ Իրանի նախագահի պաշտոնում վերընտրվելու կապակցությամբ: Նա հանդես է եկել տարբեր ոլորտներում ՄԱԿ-ի և Իրանի միջև համագործակցության ընդլայնման ցանկությամբ:
Իրանի նախագահի պաշտոնում վերընտրվելու առիթով, Հասան Ռոհանիին շնորհավարական ուղերձ է հղել նաև Ավստրալիայի ԱԳ նախարար ՝ Ջուլի Բիշոփը:
-----
«Իրան»
Վենեսուելայում ընդդիմադիրները վառել են Հուգո Չավեզի մանկության բնակարանը
Նիկոլաս Մադուրոյի կառավարության ընդդիմադիրները վառել են տունը, որտեղ մանկության տարիներին ապրել էր երկրի նախկին նախագահի Հուգո Չավեզը: Զայրացած ընդդիմադիրները հրդեհել են նաև պետական այլ շենքեր, այդ թվում ընտրությունների ազգային խորհրդի շրջանային գրասենյակը: Ընդդիմադիրներն այդ խորհրդանշական քայլով իրենց դժգոհանքն են հայտնել Բոլիվարյան հեղափոխության առաջնորդների նկատմամբ:
-----
tert.am
Այդ հեքիաթները կարող են հրամցնել թուրք ժողովրդին, բայց ԱՄՆ-ում դա չի անցնում. թուրք սյունակագիրը Վաշինգտոնում ծեծկռտուքի մասին
Թուրքական diken.com.tr կայքի սյունակագիրներից Ամբերին Զամանն անդրադարձել է ԱՄՆ մայրաքաղաք Վաշինգտոնում Թուրքիայի նախագահ Ռեջեփ Թայիփ Էրդողանի թիկնազորի մասնակցությամբ տեղի ունեցած ծեծկռտուքին:
Ըստ Զամանի՝ թուրքական կողմի կատարած այս անխոհեմ քայլն է՛լ ավելի գցեց Թուրքիայի՝ առանց այդ էլ ընկած հեղինակությունը և առաջացրեց միջազգային հանրության համակրանքը քրդերի հանդեպ:
Թուրքական կայքի սյունակագիրն ուշադրություն է հրավիրում այն փաստի վրա, որ հարձակումը ցուցարարների վրա սկսվել է, երբ Էրդողանի թիկնապահը կռացել է Էրդողանի մեքենայի պատուհանի մոտ, և Էրդողանը գլխով դրական նշան է տվել:
«Մինչդեռ թուրքական կողմը շարունակում է պնդել, որ հարձակման ենթարկվողն իրենք էին, այլ ոչ քրդերը: Մերոնք չեն հասկանում, որ այստեղ՝ Թուրքիայում, այդ հեքիաթները կարող են հրամցնել ժողովրդին, բայց ԱՄՆ-ում դա չի անցնում», - գրում է Զամանը:
Հիշեցնենք, որ Միացյալ Նահանգներում Թուրքիայի դեսպանի նստավայրի մոտակայքում Էրդողանի ԱՄՆ այցի դեմ բողոքող խաղաղ ցուցարարների խումբը հարձակման էր ենթարկվել էրդողանամետ խմբերի կողմից։ The Washington Post-ի հաղորդմամբ՝ տեղի ունեցած բախումների հետևանքով ինը մարդ էր վիրավորվել, նրանք տեղափոխվել էին հիվանդանոց:
Սպիտակ տանն Էրդողանի և ԱՄՆ նախագահ Դոնալդ Թրամփի հանդիպման ընթացքում անցկացված ցույցը կազմակերպել էին մի շարք կազմակերպություններ, որոնց թվում են եղել նաև Ամերիկայի Հայ դատի հանձնախումբը և Ամերիկյան հելենական խորհուրդը: Ցույցին մասնակցել են մի շարք այլ խմբեր, որոնց թվում են եղել հայկական, հունական, քրդական և ասորական համայնքների ներկայացուցիչներ: Ինչպես Facebook-ի իր էջում գրել էր Հայ դատի ամերիկյան հանձնախումբը, քուրդ, եզդի և հայ ցուցարարների վրա հարձակված Էրդողանի աջակիցները, դեպքի վայրից տեղեկությունների համաձայն, պարզապես ցուցարարներ չէին, այլ հատուկ պատրաստություն անցած անձինք, որոնք եղել են Ռեջեփ Թայիփ Էրդողանի անվտանգության ծառայությունից:
-----
panorama.am
Թուրքիան, Ադրբեջանը և Վրաստանը եռակողմ պայմանագիր են կնքել
Վրաստանի Բաթումի քաղաքում Թուրքիայի, Ադրբեջանի և Վրաստանի կառավարությունների միջև ստորագրվել է պաշտպանության ոլորտում համագործակցության պայմանագիր:
«Էրմենիհաբեր»-ի փոխանցմամբ, պայմանագիրը ստորագրել են Թուրքիայի Վրաստանի և Ադրբեջանի պաշտպանության նախարարներ՝ Ֆիքրի Ըշըքը, Լևան Իզորիան և Զաքիր Հասանովը:
Թեև թուրքական աղբյուրները առայժմ մանրամասներ չեն ներկայացնում ստորագրած պայմանագրի վերաբերյալ:
Աղբյուրը հիշեցնում է, որ պաշտոնական այցով Վրաստան էր մեկնել նաև Թուրքիայի վարչապետ Բինալի Յըլդըրըմը
