Մամուլի տեսություն 09-06-2017
Ձեռք-ձեռքի տանք պաշտպանենք Իրանն ՝ ահաբեկիչներից
Մամուլի լուրերի և վերլուծությունների սյունակները հիմնականում զբաղեցրել էին չորեքշաբթի օրը Թեհրանում տեղի ունեցած ահաբեկչական դեպքերի մասին տեղեկատվություններով:
«Շարղ»
Պաշտպանելու ենք ժողովրդի տունը
«Արման»
ԻԼԻՊ-ի հանդգնությունը ՝ Թեհրանում
«Աֆթաբ»
Սև չորեքշաբթի
«Էբթեքար»
Կեսօրյա միջադեպ ՝ ժողովրդի տանը
«Էըթեմադ»
Մենք բոլորս միասին ենք
«Իրան»
Մտահոգության ու միասնության օր
«Բահար»
Ձեռք-ձեռքի տանք պաշտպանենք Իրանն ՝ ահաբեկիչներից
«Խորասան»
Իրանն ահաբեկչության դեմ
«Շահրվանդ»
Միաձայն կանգնած ենք կողք-կողքի
«Ալիք»
Ձերբակալվել են Թեհրանի ահաբեկչական հարձակումների հետ առնչություն ունեցող ահաբեկիչներ
Իրանի հատուկ ծառայության ուժերը ձերբակալել են հունիսի 7-ին Թեհրանի ահաբեկչական հարձակումների հետ առնչություն ունեցող ահաբեկիչների: Այս մասին տեղեկացնում է Իրանի անվտանգության նախարարությունը:
Նախարարության հաղորդագրության մեջ նշվեծ է, որ նախարարության աշխատակիցներն իսլամական հեղափոխության պահակազորի և իրավապահ ուժերի համագործակցությամբ հաջողել են հայտնաբերել և ձերբակելել հունիսի 7-ին Թեհրանում տեղի ունեցած ահաբեկչական հարձակումների հետ առնչություն ունեցող մի քանի ահաբեկիչների:
Նրանց թաքստոցում հայտնաբերվել և առգրավվել է մեծ քանակությամբ զենք-զինամթերք , այդ թվում ՝ պայթուցիկ նյութեր և մահապարտի գոտիներ:
«Իրան»
Թեհրանի ահաբեկչական հարձակումները և ԶԼՄ-ներ գլխավոր խորագրերը
Daily Mail.«Իրանն ավելի ամուր քայլերով է շարունակում պայքարել ահաբեկչության դեմ»
Վերջին տարիներին Արևմտյան ԶԼՄ-ները Իրանին ճանաչել են լարված Միջին Արևելքի խաղաղ կղզին , իսկ ահաբեկչական դեպքերից հետո, այդ լրատվամիջոցները զարմանքով են արտահայտվել տեղի ունեցածի մասին:
The New York Times օրաթերթն անդրադարձել է Իրանի և Արաբիայի միջև տարաձայնություններին ՝ առանց Ռիադին Թեհրանի դեմպքերում մեղավոր ճանաչելու: Օրաթերթի գրությամբ.«Արաբիան վերջերս Կատարի հետ հարաբերությունները խզելուց հետո, խստորեն քննադատել է Իրանին ՝ փորձելով մեկուսացնել կատարին: Արաբիան մշտապես Իրանին մեղադրել է ահաբեկչությանը սատարելու մեջ: Ահաբեկչության դեպքերը տեղի են ունեցել Դոնալդ Թրամփի Արաբիա կատարած այցից երկու շաբաթ անց: Այցելություն, որի ընթացքում երկու երկրի միջև 110 միլիարդ դոլարանոց սպառազինական համաձայնագիր է ստորագրվել»:
Financial Times օրաթերթը գրել է.«Թեհրանի ահաբեկչական դեպքերւ տեղի են ունեցել այնպիսի պայմաններում , երբ Միջին Արևելքում գերլարված իրավիճակ է տիրում: Այս շաբաթ խզվել են Կատարի և արաբական մի քանի երկրների միջև կապերը : Երկուշաբաթ առաջ, Թրամփը Ռիադում խիստ արատահայտություններով են հանդես եկել Իրանի դեմ ՝ նշելով, որ Իրանն է միջինարևելյան անհանդարտության մեղավորը: Դա այն դեպքում, երբ Իրանի նախագահ Ռոհանին վերջերս վերընտրվեց Իրանի նախագահի պաշտոնում: իր խոսքերով, Թրամփն ապացուցել է, որ Իրան-Արաբիա բանավեճի մեջ Ռիադի կողմնակիցն է»: Օրաթերթի գրությամբ, հարձակումները կարող են համարվել ԻԼԻՊ-ի կողմից Իրանի դեմ գործադրվող ճնշում ՝ ահաբեկչության դեմ պայքարից հրաժարվելու համար:
«Ռեսալաթ»
ԱՄՆ արտաքին հարաբերությունների խորհրդի նախագահ ՝ Թրամփը պետք է դատապարտի Թեհրանի ահաբեկչական դեպքերը
ԱՄՆ նախագահին ուղղված թվիթերյան գրության մեջ, այդ երկրի արտաքին հարաբերությունների խորհրդի նախագահը , Թրամփին կոչ է արել զերծ մնալ ահաբեկչությունը դատապարտելու հարցում երկակի կողմնորոշումներից: Ռիչարդ հասն անդրադարձել է Թեհրանի ահաբեկչական դեպքերին , գրելով.«Եթե ահաբեկչության դատապարտում ունի որոշակի իմաստ և պատգամ, ապա չպետք է այդ կապակցությամբ ընտրական վերաբերմունք ցուցաբերել: Թեհրանի ահաբեկչական դեպքերը ևս պետք է դարապարտվեն, ինչպես արվում է Եվրոպայում տեղի ունեցած հարձակումների դեպքում»:
tert.am
ՀԴԲ նախկին տնօրենը Թրամփին սուտասան է անվանել ու սկանդալային վկայություն տվել Սենատում
Հետաքննությունների դաշնային բյուրոյի (ՀԴԲ) նախկին ղեկավար Ջեյմս Կոմին երկրի նախագահ Դոնալդ Թրամփի և Ռուսաստանի միջև հնարավոր կապերի գործով 3 ժամ շարունակ վկայություն է տվել Սենատում՝ խոսելու ժամանակ Թրամփին սուտասան անվանելով:
Ինչպես նշում է The Guardian-ը, Կոմին, որին Թրամփը մայիսի 9-ին պաշտոնից հեռացրել էր վատ աշխատելու պատճառաբանությամբ, ասել է, որ իրեն աշխատանքից հեռացնելու իրական պատճառը Թրամփ-Ռուսաստան հնարավոր կապի վերաբերյալ իր վարած հետաքննությունն էր:
Կոմիի վկայության կարևորագույն մասերից մեկի համաձայն՝ Թրամփը նրան կարգադրել էր փակել հետաքննությունը՝ նշելով, որ այն իր համար հավելյալ խնդիրներ է ստեղծում:
Կոմիի պնդմամբ՝ ԱՄՆ նախագահը ստել է ու իրեն միտումնավոր վատաբանել՝ փորձելով, այդպիսով, արդարացնել պաշտոնից իր հեռացումը:
ՀԴԲ նախկին տնօրենը նաև մանրամասնել է, որ Թրամփի հետ ունեցած հանդիպումներից յուրաքանչյուրը ձայնագրել է, քանի որ մտավախություն է ունեցել, որ նախագահը կարող է իրենց միջև խոսացածն աղավաղված ներկայացնել:
armedia.am
ՄԹ. Թերեզա Մեյի կուսակցությունը կորցնում է բացարձակ մեծամասնությունը
Բրիտանիայում ավարտվեցին արտահերթ խորհրդարանական ընտրությունները։ Exit poll-ի տվյալներով՝ այս ընտրություններում հաղթում է վարչապետ Թերեզա Մեյի Պահպանողական կուսակցությունը, սակայն այն կորցնում է բացարձակ մեծամասնությունը: Exit poll-ի տվյալներով՝ Պահպանողականները Համայնքների պալատում կստանան 318 տեղ, ինչը 13-ով քիչ է նախորդ ընտրությունների արդյունքում ստացած մանդատներից: Լեյբորիստները կստանան 266 տեղ՝ 30 մանդատով ավել:
Ապրիլի վերջին Մեյը հայտարարել էր արտահերթ ընտրությունների անցկացման մասին։ Նման արմատական քայլի պատճառ էր քաղաքական գործիչն անվանել ԵՄ-ից դուրս գալու բանակցություններին ընդառաջ իրավիճակի կայունացման անհրաժեշտությունը։
aysor.am
Յունկեր. ԵՄ-ն մտադիր է դառնալ աշխարհում խոշորագույն ներդրողը ռազմական արդյունաբերության մեջ
Եվրամիությունը մտադիր է առաջիկա տարիներին դառնալ աշխարհում խոշորագույն ներդրողը ռազմական արդյունաբերության բնագավառում, հայտարարել է Եվրահանձնաժողովի նախագահ Ժան Կլոդ Յունկերը՝ Պրահայում ելույթ ունենալով Պաշտպանության և անվտանգության միջազգային խորհրդաժողովում, փոխանցում է ТАСС-ը:
«ԵՄ-ի Պաշտպանության ներդրումային հիմնադրամի նախագիծը, որը հունիսի 8-ին ներկայացրել է Եվրահանձնաժողովը, Եվրամիությանը թույլ կտա դառնալ աշխարհում խոշորագույն ներդրողը պաշտպանական հատվածում»,- ասել է նա:
Պաշտպանական հիմնադրամը պետք Է 2020 թվականից ապահովի տարեկան մինչև 5,6 միլիարդ եվրոյի ներդրումներ ԵՄ-ի պետությունների ռազմարդյունաբերական համալիրում: Յունկերն ընդգծել է, որ այսօր ԵՄ-ի բոլոր երկրները ծախսում են մոտավորապես այն բանի կեսը, ինչ ԱՄՆ-ն հատկացնում է պաշտպանության համար, սակայն եվրոպական հատկացումների արդյունավետությունը կազմում է ընդամենը 15 տոկոս: Դրա պատճառը, նրա խոսքով, եվրոպական ռազմարդյունաբերական համալիրի խորը թերատությունն է:
araratnews.am
Հնդկաստանը և Պակիստանը` ՇՀԿ-ի անդամ
Հնդկաստանը և Պակիստանը Շանհայի համագործակցության կազմակերպության անդամի կարգավիճակ են ստացել. որոշումը ստորագրվել է ՇՀԿ անդամ երկրների ղեկավարների կողմից. հաղորդում է Ria.ru-ն:
Ղազախստանի նախագահ Նուրսուլթան Նազարբաևը նստաշրջանը պատմական է անվանել:
Հիշեցնենք, որ այսօր Աստանայում Շանհայի համագործակցության կազմակերպության (ՇՀԿ) նստաշրջանի շրջանակում կայացել է Ռուսաստանի և Իրանի ԱԳ նախարարներ Սերգեյ Լավրովի և Մոհամմադ Ջավադ Զարիֆի հանդիպումը:
