G20-ի գագաթնաժողովի նախապատրաստական նիստում ընդգծվեց Փարիզի պայմանագրի գործադրման անհրաժեշտությունը
G20-ի գագաթնաժողովից մեկ շաբաթ առաջ անդամ որոշ երկրների ղեկավարների ներկայությամբ, Բեռլինում նախապատրաստական նիստ գումարվեց:
«Ասոշիեյթեդ պրես»-ի հաղորդման համաձայն` հինգշաբթի օրը Բեռլինում գումարված նիստում, Գերմանիայի, Իտալիայի, Իսպանիայի,Ֆրանսիայի, Նորվեգիայի ու Նիդերլանդերի ղեկավարները և ԵՄ-ի պաշտոնատարները քննարկեցին G20-ի գագաթնաժողովի օրակարգային հարցերն ու գերակայությունները:
Նիստի ընթացքում Իսպանիայի վարչապետ Մարիանո Ռախոյն ընդգծեց, որ Իսպանիայի դիտանկյունից ահաբեկչության դեմ պայքարը, ազատ առևտի պաշտպանումը և Փարիզի կլիմայական հարցերով պայմանագրի հանդեպ պարտավորվածությունը համարվում են G20-ի գագաթնաժողովի գերակայությունները:
Գերմանիայի կանցլեր Անգելա Մերկելը հինգշաբթի օրը ունեցած ելույթում անդրադառնալով Համբուրգում կայանալիք G20-ի գագաթնաժողովին ԱՄՆ նախագահ Դոնալդ Թրամփի մասնակցությանը, զգուշացրեց կլիմայական փոփոխությունների և ազատ առևտրի կապակցությամբ Թրամփի կողմնորոշումների մասին:
«Շրջակա միջավայրի ու ազատ առևտրի կապակցությամբ Վաշինգտոնի դիրքորոշումները որևէ աղերս չունեն ժամանակակից իրար միացած աշխարհի հետ»,-ընդգծել է Մերկելը:
G20-ի գագաթնաժողովը հուլիսի 7-ին և 8-ին կգումարվի Գերմանիայի Համբուրգ քաղաքում:
