Համբուրգում բախվել են Գերմանիայի ոստիկանության ուժերն ու G20-ի ընդդիմադիրները
Գերմանիայի Համբուրգ քաղաքում G20 խմբի նստաշրջանի դեմ կազմակերպված ցույցի ընթացքում բախումներ են տեղի ունեցել ոստիկանների և ցուցարարների միջն:
Իրանի ռադիո-հեռուստատեսության լրատվական գործակալության հաղորդման համաձայն, բախումները սկսվել են այն բանից հետո, երբ մի խումբ բողոքարարներ շշեր ու կարծր նյութեր են նետել հակախռովարար ուժերի ուղղությամբ:
Ավելի վաղ ոստիկանությունը հայտարարել էր, որ հնարավոր է ցույցին մասնակցեն Եվրոպայի ամբողջ տարածքից Գերմանիա ուղևորված շուրջ 100 հազար բողոքարարներ: Ոստիկանությունը բերման է ենթարկել մի խումբ բողոքարարների:
Բողոքարարները նշել են, որ G20 խմբի անդամները չեն կարողացել համաշխարհային խնդիրների կարգավորման համար որևէ լուծում առաջարկել և վտանգել են համաշխարհային խաղաղությունը:
Համբուրգը Գերմանիայի երկրորդ խոշոր քաղաքն է, որը հյուրընկալելու է G20 անունով հայտնի աշխարհի 20 խոշոր տնտեսությունների ղեկավարների նստաշրջանը:
Ոստիկանության ուժերի 20 հազար աշխատակիցներ ապահովելու են ուրբաթ և շաբաթ օրերին Համբուրգում գումարվելիք G20-ի գագաթնաժողովի անվտանգությունը:
