Մոգերինի. Իրանի հետ միջուկային համաձայնությունը, որոշակի երկրի չի պատկանում
ԵՄ արտաքին քաղաքականության պատասխանատուն ընդգծել է. «ՀԳՀԾ-ն միայն որոշակի երկրի չի պատկանում և համարվում է միջազգային հանրության սեփականությունը»:
«Ռոյտերզ»-ի հաղորդման համաձայն, ԵՄ արտաքին քաղաքականության պատասխանատու Ֆեդերիկա Մոգերինին երեքշաբթի օրը Բրյուսելում Ռուսաստանի ԱԳ նախարար Սերգեյ Լավրովի հետ համատեղ ասուլիսի ժամանակ ասել է, որ հարգում է Իրանի միջուկային համաձայնությունը քննարկելու ԱՄՆ-ի քայլը, սակայն ԵՄ-ն կշարունակի Իրանի հետ համագործակցությունը:
Մուգերինին խոսքն ուղղելով ամերիկացիներին ասել է. «Իրանի միջուկային համաձայնությունը միջազգային պայմանագիր է և հաստատված է ՄԱԿ-ի ԱԽ-ի կողմից»:
«ՀԳՀԾ-ի գործադրումը շարունակվելու հարցում ԵՄ-ն կհամագործակցի Ռուսաստանի հետ»,-հայտարարել է ԵՄ արտաքին քաղաքականության պատասխանատուն:
Ռուսաստանի ԱԳ նախարար Սերգեյ Լավրովն ասուլիսի ժամանակ ընդգծել է. «Եթե ԱՄՆ-ն չիրագործի դիվանագիտական գույքը վերադարձնելու Ռուսաստանի պահանջը, Մոսկվան պատասխան քայլ կձեռնարկի»:
Սերգեյ Լավրովը հույս է հայտնել, որ ԱՄՆ-ն կհարգի դիվանագիտական գույքի կապակցությամբ ստանձնած իր պարտավորությունները:
