Ռուսաստանը հերքել է Գերմանիայում սպասվող ընտրություններին միջամտելու ենթադրությունը
ՌԴ նախագահ Վլադիմիր Պուտինը Գերմանիայում սպասվող ընտրություններին Մոսկվայի միջամտության մասին հայտարարությունը սադրիչ քայլ է որակել:
Կրեմլի ինտերնետային կայքի հաղորդմամբ՝ Պուտինը հերքել է արևմտյան, մասնավորապես գերմանական որոշ լրատվամիջոցների այն հայտարարությունները, ըստ որոնց Մոսկվան հավանաբար կմիջամտի Գերմանիայում սպասվող ընտրություններին: «Նման հայտարարությունները սադրիչ քայլեր են»,ասել է նա:
Ըստ հաղորդման՝ Համբուրգում «Մեծ քսանյակ»-ի գագաթնաժողովի շրջանակներում Պուտինն ընդգծել է, որ Ռուսաստանը չի միջամտել ԱՄՆ նախագահական ընտրություններին:
«Այս երկիրը Գերմանիայի հետ լավ հարաբերությունների ունի և Բեռլինը Եվրոպայում Մոսկվայի ամենախոշոր առևտրային գործընկերն է»,հավելել է Պուտինը:
Արևմտյան մասնավորապես գերմանական լրատվամիջոցները վերջին օրերի ընթացքում հաղորդել են այդ երկրի առաջիկա ընտրություններին Մոսկվայի հավանական միջամտության մասին:
