Մամուլի տեսություն 17-08-2017

Իրանի նախագահ.«ՀԳՀԾ-ն բխում է բոլոր երկրների շահերից»

«Էբթեքար»
Իրանի նախագահ.«ՀԳՀԾ-ն բխում է բոլոր երկրների շահերից»

 

ԻԻՀ նախագահին իրենց հավատարմագրերն են հանձնել Թեհրանում Ուրուգվայի, Սերբիայի և Ավստրիայի դեսպանները: Նախագահ Հասան Ռոհանին նաև հանդիպել է Ֆրանսիայում Իրանի դեսպանին:

Դեսպանների հետ հանդիպման զրույցի առանքն են եղել համագործակցությունների զարգացումը, Միջուկային համաձայնությունը և տնտեսական ու մշակութային հարաբերությունները:

Թեհրանում Ուրուգվայի դեսպանի հետ հանդիպմանը, նախագահ Հասան Ռոհանին ընդգծել է գիտական ու տեխնոոգիական բնագավառներում երկու երկրի միջև համագործակցության առկա մակարդակի բարձրացման անհրաժեշտությունը: Իրանի նախագահը հույս է հայտնել, որ կողմերն իրենց կապերն ընդկայնելու են ՝ ի նպաստ երկու երկրի ժողովուրդների շահերին:

Անդրադառնալով ՀԳՀԾ-ին, Իրանի նախագահը համոզմունք   է հայտնել, որ միջուկային համաձայնությունը շահեկան է բոլոր երկրների համար:

 

«Ալիք»

Խիստ կարևորում եմ հայ-իրանական տնտեսական հարաբերությունների զարգացումը. Կարայանը հանդիպել է Իրանի նախագահի խորհրդականի հետ

 

ՀՀ տնտեսական զարգացման և ներդրումների նախարար Սուրեն Կարայանն օգոստոսի 16-ին հանդիպել է ԻԻՀ նախագահի խորհրդական, Առևտրական ազատ գոտիների համադրման խորհրդի քարտուղար Աքբար Թորքանի գլխավորած պատվիրակության հետ: Այս մասին տեղեկացնում է  «yerkir.am»-ը:

Նախարարը շնորհակալություն է հայտնել այցի համար և նշել, որ լիահույս է, որ այն էլ ավելի կամրապնդի Հայաստանի և Իրանի միջև բարեկամական հարաբերությունները:

«Ես խիստ կարևորում եմ հայ-իրանական տնտեսական հարաբերությունների զարգացումը և այսօր մեծ սիրով կքննարկեմ առկա ներուժի իրացման հնարավորություններ».,նշել է Սուրեն Կարայանը:

Աքբար Թորքանը շնորհակալություն է հայտնել նախարարի ջերմ ընդունելության համար: նա նշել է, որ մտադիր են ծանոթանալ հայաստանի զարգացման երկարաժամկետ ծրագրերին և քննարկել հայաստան-Իրան տնտեսական համագործակցությունը:

 

 

 

armenpress.am

Սիրիայում զինյալների պահեստներում գտել են թունավոր նյութեր ԱՄՆ-ից եւ Բրիտանիայից

 

Թունավոր նյութերը, որոնք գտնվել են զինյալների կողմից լքված զինապահեստներում, վկայում են, որ դրանք Սիրիայում ահաբեկիչներին են հասցվել ԱՄՆ-ից եւ Բրիտանիայից: Այդ մասին, ինչպես տեղեկացնում Է «Արմենպրես»-ը, հայտարարել Է Սիրիայի Արաբական Հանրապետության (ՍԱՀ) արտաքին գործերի փոխնախարար Ֆեյսալ Միքդադը Դամասկոսում կայացած մամուլի ասուլիսում:

«Բոլոր գտնված հատուկ միջոցներն իրենցից ներկայացնում են ձեռքի նռնակներ եւ նռնականետերի հեծաններ, որոնք հանդերձված են CS եւ CN թունավոր նյութերով… Հայտնաբերված քիմիական զինամթերքն արտադրել Է Federal Laboratories ընկերությունն ԱՄՆ-ի տարածքում… Իսկ թունավոր նյութերն արտադրել են Cherming Defence UK (Բրիտանիա) եւ NonLethal Technologies (ԱՄՆ) ընկերությունները»,- ասել Է Միքդադը:

 

 

panorama.am

Սաակաշվիլին մտադիր է Ուկրաինա վերադառնալ սեպտեմբերի 10-ին

 

Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին մտադիր է  Ուկրաիանա վերադառնալ սեպտեմբերի 10-ին: Այդ մասին նա հայտարարել է ֆեյսբուքյան իր էջում:

«Ես կվերադառնամ Ուկրաինա: Ես կգամ սեպտեմբերի 10-ին: Կգամ Լեհաստանից, «Կրակովեց» անցակետով»,-ասել է նա:

Հիշեցնենք, որ ավելի վաղ Ուկրաինայի նախագահ Պյոտր Պորոշենկոյի հրամանագրով Սաակշվիլին զրկվել էր Ուկրաինայի քաղաքացիությունից:

 

 

tert.am

Ֆրանցիսկոս պապը քահանաների կողմից երեխաների նկատմամբ սեռական ոտնձգությունները «բացարձակ գարշանք» է անվանել

 

Հռոմի պապ Ֆրանցիսկոսը նոր գրքի նախաբանում անդրադարձել է Հռոմեական կաթոլիկ եկեղեցու քահանաների կողմից երեխաների նկատմամբ իրականացվող սեռական բռնությանն ու ոտնձգություններին՝ այդ երևույթը որակելով որպես «բացարձակ գարշանք»:

Ինչպես նշում է The Guardian-ը, նախաբանը վերաբերում է շվեյցարացի Դենիել Պիտեի գրքին, որում հեղինակը պատմում է 8 տարեկանում քահանայի կողմից բռնաբարվելու դաժան փորձի մասին:

«Հա՛յր, ես ներում եմ քեզ. բռնության ենթարկված, բայց չկոտրված» (Father, I Forgive You: Abused But Not Broken) վերնագրով գրքի նախաբանում կաթոլիկների հոգևոր առաջնորդը ևս մեկ անգամ ընդգծել է, որ երեխաների նկատմամբ սեռական բռնությունը Եկեղեցու ուսմունքներին հակասող սարսափելի մեղք է:

Պոնտիֆիկոսը նշել է, որ բռնության ենթարկված և հատկապես դրա պատճառով ինքնասպան եղած երեխաների ճակատագիրը ծանրացել է իր հոգու վրա:

Միևնույն ժամանակ, Պապը գովել է Պիտեին նման ցավի մասին բարձրաձայնելու քաջության համար: Պոնտիֆիկոսին առանձնապես հուզել է այն փաստը, որ 4 տարի տևած կանոնավոր բռնաբարություններից ու սեռական այլ ոտնձգություններից տուժած տղամարդը 44 տարի անց իր մեջ ուժ է գտել ներել քահանային:

 

 

armedia.am

Մերկել. Գերմանիան չի ընդլայնելու Թուրքիայի հետ մաքսային միությունը

 

Գերմանիայի կանցլեր Անգելա Մերկելը հայտարարել է, որ Գերմանիան չի ընդլայնելու Թուրքիայի հետ մաքսային միությունը, հայտնում է true-news.info-ն։

«Ամեն դեպքում հիմա մենք չենք ընդլայնելու Թուրքիայի հետ մաքսային միությունը։ Խորացման մասին խոսք անգամ լինել չի կարող»,- ասել է Մերկելը։

Նշենք, որ հուլիսին Գերմանիայի ԱԳ նախարար Զիգմար Գաբրիելը նույնպես  շեշտել է, որ անհնար է համարում ներկա իրավիճակում շարունակել ԵՄ-ի ու Թուրքիայի միջև բանակցությունները մաքսային միություն ստեղծելու մասին:

 

«Ջոմհուրի էսլամի»

ՌԴ ԱԳ նախարար.«Իրանի հրթիռային ծրագրում արգելք չկա»

 

Սերգեյ Լավրովը միակողմանի, անպատասխանատու քայլէ  գնահատել ԱՄՆ-ի հակաիրանական պատժամիջոցները : Լավրովի ասածով, Իրանի հրթիռային ծրագրում արգելք չկա:

ՌԴ ԱԳ նախարարն ասել է.«Հուսով եմ Իրանը չի հրաժարվի Միջուկային համաձայնությունից և Վաշինգտոնը չի շրջանցի իր պարտավորությունները:

Սերգեյ Լավրովը ներքին հարց է որակել Իրանի հրթիռային զարգացման բյուջեի հավելումը:

 

 

«Իրան»
Ալ-Էբադի.«Իրաքից Քուրդստանի անկախությունը մեզ համար շահեկան չէ»

 

Իրաքում ներքին քաղաքական լարվածությունը սրվել է : իրաքի կառավարությունը, նաև Անկարան ու Թեհրանը դեմ են այդ երկրի Քուրդստանի շրջանի անկախության հանրաքվեի անցկացման որոշմանը:  

ԻՌՆԱ գործակալության փոխանցմամբ՝ Մասուդ Բարզանիի հրամանով Իրաքի Քուրդստանից մի պատվիրակություն է մեկնել Բաղդադ ՝ Իրաքի պետայրերի հետ սեպտեմբերի 25-ին սպասվող անկախության հանրաքվեի մասին բանակցելու նպատակով: Պատվիրակությունը հանդիպել է Իրաքի նախագահի, վարչապետի և ազգային կոալիցիայի ղեկավարի հետ:

Իրաքի վարչապետ՝  Հեյդար Ալ-Էբադին ասել է.«Սահմանների վերագծումն աղետի է հանգեցնելու և Քուրդստանի անկախացումը չի բխում մեր շահերից: Ցավալի է , որ  հանրաքվեն անց է կացվելու ԻԼԻՊ-ի դեմ պայքարում մեր հաջողությունից հետո»:

 

 

panorama.am

Չավուշօղլու. Իրաքյան Քուրդիստանում անկախության հանրաքվեն կարող է քաղաքացիական պատերազմի պատճառ դառնալ

 

Թուրքիայի արտաքին գործերի նախարար Մևլութ Չավուշօղլուն մեկնաբանել է Իրաքի հյուսիսում քրդական ինքնավար շրջանի իշխանությունների՝ անկախության հանրաքվե անցկացնելու որոշումը:

«Էրմենիհաբեր»-ի փոխանցմամբ,  Չավուշօղուն նշել է, որ հանրաքվեն կարող է քաղաքացիական պատերազմի պատճառ դառնալ.

«Երբ Իրաքում այսքան խնդիրներ կան, անկախության հանրաքվեի անցկացումը երկրում իրավիճակը կվատթարացնի, կհասցնի քաղաքացիական պատերազմի»:

Նշվում է, որ Թուրքիան գործընթացի սկզբից ի վեր դեմ է արտահայտվել այս հանրաքվեի անցկացմանը:

Իրաքյան Քուրդսիտանի իշխանությունները մտադիր են հանրաքվեն անցկացնել սեպտեմբերի 25-ին: