Բեռլինում ցույց են կազմակերպել նեոնացիստներն ու նրանց ընդդիմադիրները
Հարյուրավոր նեոնացիստներ Հիտլերի օգնականի մահվան 30-ամյակի կապակցությամբ Բեռլինում հանրահավաք են կազմակերպեցին : Հատկանշական է, որ նրանց ընդդիմադիրները նույնպես խաղաղ երթ են կազմակերպել:
«Դոյչե Վելե»-ի հաղորդման համաձայն, այն բանից հետո երբ Գերմանիայի իշխանություններն թույլատրել են Նացիստական Գերմանիայի առաջնորդ Հիտլերի օգնական Ռուդոլֆ Հեսի մահվան տարելիցի առիթով հանրահավաքի կազմակերպումը, նեոնացիստների ընդդիմադիրները այդ հանրահավաքին զուգահեռ ցույց են անցկացրել:
Նեոնացիստների հանրահավաքը, որ պիտի շարունակվեր մինչև տեղական ժամանակով ժամը 8-ը նրանց հակառակորդների մեծաթիվ ներկայության և երթի ուղղությունները փակվելու պատճառով ավարտվել է ժամը 5-ին:
Անվտանգության պաշտոնատարների հայտարարության համաձայն` հանրահավաքի ընթացքում տեղի են ունեցել բախումներ: Բեռլինի ոստիկանությունն իր թուիթերյան էջում հայտարարել էր, որ կանխելու է հավանական բախումները:
Նեոնացիստների հանրահավաքը թույլատրվել էր օրենքը հարգելու, նեոնացիստական որևէ խորհրդանիշ չկրելու, որոշակի կարգախոսներ չվանկարկելու և զինվորական հագուստներ չկրելու պայմանով:
