ԱԷՄԳ-ի քննիչներն Իրանի ռազմական բազաներ այցելելու որևէ անհրաժեշտություն չեն տեսնում
ԱԷՄԳ-ի պաշտոնատարների համոզմամբ, գործակալության քննիչներն Իրանի ռազմական բազաներ այցելելու որևէ անհրաժեշտություն չեն տեսնում:
«Ռոյտերզ»-ը հինգշաբթի օրը Վիեննայից կատարած հաղորդման մեջ նշել է, այն պայմաններում, երբ ԱՄՆ-ն Իրանի ռազմական բազաներն այցելելու կապակցությամբ ճնշում է գործադրում գործակալության քննիչների վրա, վերջիններս ընդգծում են, որ ՀԳՀԾ-ի հանդեպ Իրանի հավատարմությունը հաստատելու համար նման վերահսկողության կարիք չի զգացվում :
«Ռոյտերզ»-ն անդրադառնալով ՄԱԿ-ում ԱՄՆ ներկայացուցիչ Նիքի Հեյլիի Վիեննայում գտնվող գործակալության կենտրոնավայր կատարած այցին և այն հայտարարությանը, թե Իրանում քննության չենթարկված չհայտարարված բազաներ գոյություն ունեն, հաղորդել է. «Գործակալության պաշտոնատարները հավատացած են, որ Վաշինգտոնն իր հայտարարությունն ապացուցող որևէ փաստ չի ներկայացրել»:
«Ռոյտերզ»-ն այնուհետև հղում կատարելով գործակալության մի պաշտոնատարի հաղորդել է, որ չնայած միջուկային համաձայնության ընդդիմադիրների, այդ թվում Սիոնիստական ռեժիմի և ԱՄՆ-ի հակառակության, գործակալությունն Իրանի ռազմական բազաներ այցելելու մտադրություն չունի:
ԱԷՄԳ-ի պաշտոնատարների վրա Վաշինգտոնի կողմից ճնշումները գործադրվում են ԱՄՆ նախագահ Դոնալդ Թրամփի ՀԳՀԾ-ի դեմ ընդունած կողմնորոշման շրջանակում:
ԱՄՆ նախագահը հակառակ Իրանին և 5+1 խմբի միջուկային համաձայնությունը ստորագրած մյուս երկրներին ու ԵՄ-ին, ՀԳՀԾ-ն վատ համաձայնություն է կոչել և փորձում է դա չեղարկել:
