Մոգերինին հանդիպել է Զարիֆի հետ
Եվրամիության արտաքին քաղաքականության և անվտանգության հարցերով գերագույն հանձանակատար Ֆեդերիկա Մոգերինին չորեքշաբթի օրը Նյու Յորքում հանդիպել ու բանակցել է Իրանի ԱԳ նախարար Մոհամմեդ Ջավադ Զարիֆի հետ:
Իրանի ռադիո-հեռուստատեսության լրատվական ծառայության փոխանցմամբ՝ այդ հանդիպման ժամանակ, Մոգերինին վերստին շեշտել է Համատեղ գործողությունների համապարփակ ծրագրի նկատմամբ Եվրամիության աջակցությունն ու հանձնառությունը:
Զարիֆը և Մոգերինին բանակցել ու մտքեր են փոխանակել ՀԳՀԾ-ի իրագործման հետ կապված հարցերի շուրջ:
Եվրամիության արտաքին քաղաքականության և անվտանգության հարցերով գերագույն հանձանակատարը երեքշաբթի երեկոյան Նյու Յորքում հանդիպել է ՌԴ ԱԳ նախարար Սերգեյ Լավրովի հետ: Նրանք խորհրդակցել են ՀԳՀԾ-ի վերաբերյալ:
Եվրոպացի բարձրաստիճան մյուս պաշտոնատար անձանց, այդ թվում Ֆրանսիայի նախագահ Էմաունել Մակրոնի հետ Մոգերինիի խորհրդակցություններն ուղղված են եղել Իրան-Վեցյակ միջուկային համաձայնության պաշտպանմանը, մինչդեռ ԱՄՆ նախագահ Դոնալդ Թրամփը ՄԱԿ-ի Գլխավոր ասամբլեայի 72-րդ նստաշրջանում ունեցած ելույթում Իրանի հետ միջուկային համաձայնագիրը համարել Է «ԱՄՆ-ի խայտառակությունը»:
