Մոգերինին ԵՄ-ի անդամ երկրներին կոչ է արել աջակցել ՀԳՀԾ-ին
Եվրամիության արտաքին քաղաքականության և անվտանգության հարցերով գերագույն հանձնակատար Ֆեդերիկա Մոգերինին միության անդամ երկրներին կոչ է արել աջակցել Իրանի և «5+1» խմբի միջև ստորագրված միջուկային համաձայնագրին, որը կոչվում է «Համատեղ գործողությունների համապաարփակ ծրագիր»:
ԻՌՆԱ լրատվական գործակալության հաղորդման համաձայն՝ երկուշաբթի օրը Լյուքսեմբուրգում գումարված ԵՄ ԱԳ նախարարների նիստում, Մոգերինին ՀԳՀԾ-ն փոխարինող տարբերակի քննարկումը, բացառելով հայտարարել է,որ Իրանի հետ միջուկային համաձայնագրի նկատմամբ լիարժեք աջակցություն է ակնկալում միության ԱԳ նախարարներից:
Մոգերինին հավելել է.«Եվրամիության ԱԳ նախարաներից ակնկալվում է ցույց տալ, որ Եվրոպան միավորված է և լիարժեք աջակցություն հայտարարել միջուկային համաձայնագրի նկատմամբ»:
Անդրադառնալով ՄԱԳԱՏԷ-ի գլխավոր տնօրեն Յուկիա Ամանոյի հետ այսօր ունեցած երկխոսությանը, Եվրամիության արտաքին քաղաքականության և անվտանգության հարցերով գերագույն հանձնակատարն ասել է.«Ամանոն նրան ասել է, որ Իրանը երբեք չի արգելել գործակալության տեսուչների կողմից ստուգումների իրականացումը»:
