G7 երկրները ահաբեկչության դեմ պայքարում համագործակցելու են ինտերնետ մատակարարների հետ

Մեծ յոթնյակի երկրները առաջատար ինտերնետ մատակարարների հետ ահաբեկչության դիմակայման համար սկզբունքային համաձայնության են հասել:

Այս մասին նշվում է յոթնյակի ՆԳՆ ղեկավարների հանդիպումից հետո տարածված հաղորդագրության մեջ: Հանդիպմանը մասնկացել են նաեւ Google, Facebook, Microsoft եւ Twitter ընկերությունների ներկայացուցիչները, հաղորդում է ՏԱՍՍ-ը:

Մասնակիցները պայմանավորվել են, որ ինտերնետային ընկերությունները իրենց հարթակների օգտագործման ժամանակ կշարունակեն գործադրել բոլոր ջանքերը ահաբեկչության տարածումը թույլ չտալու համար:

«Այսօր մենք պետությունների եւ ինտերնետ մատակարարների մեծ դաշինքի ստեղծման ուղղությամբ առաջին կարեւոր քայլերն արեցինք

Միայն այսպես մենք կարող ենք հաղթել ահաբեկչության տարածմանը», - ասել է Իտալիայի ներքին գործերի նախարար Մարկո Մինիտին:

Նա նաեւ նշել է, որ G7-ը համաձայնել է տվյալների համատեղ հավաքագրման եւ ԻՊ ահաբեկչական կազմակերպության վերաբերյալ տեղեկատվության փոխանակման մասին:

News.am