Թուրքիայի և ԱՄՆ-ի պաշտպանության նախարարները կքննարկեն տարածաշրջանային հարցեր

Թուրքիայի Ազգային պաշտպանության նախարար Նուրեթին Ջանիկլին ԱՄՆ պաշտպանության նախարար Ջեյմս Մետիսի հետ կքննարկի տարածաշրջանային հարցեր։

Այս մասին Trend-ին հայտնել են Թուրքիայի Ազգային պաշտպանության նախարարությունից։

«Հանդիպման շրջանակում Թուրքիայի և ԱՄՆ-ի պաշտպանության նախարարները կքննարկեն սիրիական ճգնաժամի կարգավորումն ու ահաբեկչության դեմ պայքարի մեթոդները»,-հայտնել են նախարարությունում։

Հաղորդվում է, որ նրանք կհանդիպեն Բրյուսելում կայանալիք ՆԱՏՕ-ի հանդիպման շրջանակում։

Նախարարությունում նշել են, որ Ջանիկլին   հանդիպում կունենա նաև ՆԱՏՕ-ի գլխավոր քարտուղար Յենս Սթոլթենբերգի և Գերմանիայի պաշտպանության նախարար Ուրսուլա ֆոն դեր Լյայենի հետ։

1in.am