ԵՄ-¬ն եւ Ճապոնիան ստեղծում են աշխարհի խոշորագույն ազատ առեւտրի գոտին

Եվրոպական հանձնաժողովը (ԵՀ) եւ Ճապոնիան համաձայնացրել են ազատ առեւտրի վերաբերյալ երկկողմ համաձայնագրի վերջանական տարբերակը:

Այդ մասին հայտարարել Է ԵՀ­ -ի առեւտրի հարցերի պատասխանատու Սեսիլյա Մալմստրյոմը՝ դեկտեմբերի 8-­ին ելույթ ունենալով Բրյուսելում կայացած մամուլի ասուլիսում, տեղեկացնում Է «Արմենպրես»­-ը: «Փաստորեն այս առեւտրական համաձայնագիրը խոշորագույնն Է երբեւիցե մեր կողմից համաձայնեցվածներից»,­-ասել Է Մալմստրյոմը: Դրա կնքման արդյունքում կստեղծվի աշխարհում ամենամեծ ազատ առեւտրի գոտին: Երկրները, որոնց բաժին Է ընկնում համաշխարհային ՀՆԱ-­ի շուրջ 30 տոկոսը, կվերացնեն գոյություն ունեցող մաքսային սակագների 99 տոկոսը: Ճապոնիան G7-­ի երկրների թվում Կանադայից հետո երկրորդն Է, որի հետ միասնական Եվրոպան նմանօրինակ պայմանավորվածության Է հասնում: «Աշխարհին հստակ ազդանշան Է ուղարկված այն մասին, որ ԵՄ­-ն եւ Ճապոնիան ձգտում են համաշխարհային տնտեսությունը պահել ազատ, բաց եւ արդար շուկաների ճանապարհին՝ հստակ եւ թափանցիկ կանոններով»,­ասված Է ԵՀ-­ի ղեկավար Ժան Կլոդ Յունկերի եւ Ճապոնիայի վարչապետ Սինձո Աբեի համատեղ հայտարարության մեջ, հաղորդել Է «Ինտերֆաքս»-­ը:

Armenpress.am