Եթե Աբասը խաղաղություն է ուզում, թող բանակցի. Նեթանյահու
Իսրայելի վարչապետ Բենիամին Նեթանյահուն հայտարարել է, որ ինքը Պաղեստինի ղեկավար Մահմուդ Աբասին բազմիցս բանակցային սեղանի շուրջ նստելու կոչ է արել եւ նորից է դա անում, քանի որ դա տարածաշրջանում խաղաղության հասնելու ամենահեշտ ու անվտանգ ճանապարհն է, հաղորդում է «ՌԻԱ Նովոստին»:
«Խաղաղության գործընթացում ամենակարեւորը բանակցելու կարողությունն է: Բայց նախ եւ առաջ խաղաղ գործընթացում կարեւոր է, որ յուրաքանչյուր կողմ մյուս կողմի գոյության իրավունքն ընդունի:
Ես ասել եմ շատ անգամ, եւ նորից եմ կրկնում, ես միշտ առաջարկել եմ պարոն Աբասին խաղաղ բանակցությունների սեղանի շուրջ նստել: Եթե նա խաղաղություն է ուզում, թող մասնակցի բանակցություններին», - Ֆրանսիայի նախագահ Էմանուել Մակրոնի հետ հանդիպումից հետո կայացած մամուլի ասուլիսի ժամանակ ասել է Նեթանյահուն:
News.am
