Ուկրաինայի կառավարության ընդդիմադիրները Կիևում ցույց են կազմակերպել
Ուկրաինայի կառավարության հազարավոր ընդդիմադիրներ ցույց են կազմակերպել մայրաքաղաք Կիևում:
Իրանի ռադիո-հեռուստատեսության լրատվական գործակալության հաղորդման համաձայն, կիրակի օրվա ցույցն իրականացվել է Վրաստանի նախկին նախագահ և «Նոր Շարժում» կուսակցության առաջնորդ Միխայիլ Սաակաշվիլու գլխավորած Ուկրաինայի կառավարության ընդդիմադիր կուսակցությունների հրավերով:
Ցույցի մասնակիցները պահանջել են նախագահ Պետրո Պոռոշենկոյի հրաժարականը:
Սաակաշվիլին ցուցարարների համար ելույթ ունենալով Ուկրաինայի կառավարությանն ու անվտանգության ծառայություններին մեղադրեց կոռուպցիայի մեջ:
Միխայիլ Սաակաշվիլիի կողմնակիցները գրոհով վերցրել են Կիևի կենտրոնում գտնվող Հոկտեմբերյան պալատը:
Ակտիվիստները կոտրել են մուտքի դուռն ու տապալելով կառույցի ներսում գտնվող ազգային գվարդիայի դիմադրությունը, ներխուժել շենքի տարածք: Իրավապահները կրակմարիչներ են կիրառել ակտիվիստների դեմ: Ցուցարարները պալատից մի քանի գվարդիականի են դուրս բերել՝ ամբողջությամբ կրակմարիչի սպիտակ փոշով պատված:
Ուկրաինայի անվտանգության ծառայություններն իշխանափոխություն իրականացնելու ուղղությամբ ջանք գործադրելու մեղադրանքով անցած շաբաթ բերման ենթարկեցին Սաակաշվիլուն, սակայն դատարանը նրան ազատ արձակեց:
Սաակաշվիլին ու Ուկրաինայի իշխանությունները միմյանց մեղադրում են կոռուպցիայի, ուժի չարաշահման և երկրի բյուջեն մսխելու մեջ:
