Մոսկվան վտանգավոր է համարում Կիևին ԱՄՆ¬ի կողմից զինամթերքի մատակարարման որոշումը
Մոսկվան վտանգավոր է համարում Կիևին ԱՄՆ¬ի կողմից զինամթերքի մատակարարման որոշումը:
Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ին, այս մասին հայտարարել է ՌԴ փոխարտգործնախարար Գրիգորի Կարասինը: «Մոսկվայում վտանգավոր են համարում ԱՄՆ-ի որոշումը: Խոսքը ոչ այնքան ամերիկյան զինամթերքի չափանիշների ու քանակի, այլ դե ֆակտո Վաշինգտոնի կողմից Կիևում զինված ուժերին խթանելու մասին է` մղելով իրենց ուժային սցենարի»,-ասել է նա: Ավելի վաղ տեղեկացվել էր, որ ԱՄՆ-ն որոշում է կայացրել Ուկրաինային տրամադրել ժամանակակից պաշտպանական միջոցներ: Նշվել է, որ ԱՄՆ-ի ջանքերն ուղղված են Ուկրաինային օգնելու ամրապնդել պաշտպանական հնարավորությունները երկարաժամկետ հեռանկարում, պաշտպանել ինքնիշխանությունը, տարածքային ամբողջականությունը և կանխել ագրեսիան:
Armenpress.am
