Եվրամիությունը ողջունել է Գերմանիայում կառավարություն ձևավորվելու մասին ձեռք բերված համաձայնությունը
Եվրահանձնաժողովի նախագահ Ժան Կլոդ Յունկերը չորեքշաբթի օրը Գերմանիայի «Քրիստոնյա-դեմոկրատական միության (ՔԴՄ) , Քրիստոնյա-սոցիալական միության (ՔՍՄ) և Սոցիալ-դեմոկրատական կուսակցության (ԳՍԴԿ)միջև ձեռք բերված համաձայնության մասին ասել է.«Եվրամիությունը շատ ուրախ է այս կուսակցությունների համաձայնագրում Եվրոպային վերաբերող բաժնի համար»: Այս մասին հաղորդում է ԻՌՆԱ լրատվական գործակալությունը:
Եվրահանձնաժողովի նախագահ Ժան-Կլոդ Յունկերի կաբինետի ղեկավար Մարտին Սելմայերը ողջունել է Գերմանիայի կուսակցությունների 170 էջանոց համաձայնագրի բովանդակությունը: «Այս փաստաթղթի սկիզբը եվրոպական հզոր գլուխն է, իսկ բոլոր բաժիններում էլ Եվրամիության շրջանակների նկատմամբ հանձնառու ակնարկներ են արվել». ասել է նա:
Դա այն դեպքում, երբ Գերմանիայի Սոցիալ-դեմոկրատական կուսակցության ղեկավար և Եվրախորհրդարանի նախկին նախագահ Մարտին Շուլցն ընդգծել է.«Գերմանիան իր նոր կառավարությամբ ակտիվ ու առաջնորդող դերակատարությամբ հանդես կգա Եվրոպայում»:
Նշենք, որ երկարատև բանակցություններից հետո, Գերմանիայի «Քրիստոնյա դեմոկրատական միությունը», «Քրիստոնյա-սոցիալական միությունը» և «Սոցիալ-դեմոկրատական կուսակցությունը» չորեքշաբթի օրը համաձայնության են հասել կառավարող կոալիցիա ձևավորելու շուրջ:
