Իսրայելի ոստիկանությունը պահանջել է մեղադրանք առաջադրել Նեթանյահուի դեմ
Սիոնիստական ռեժիմի ոստիկանությունը երեքշաբթի օրն այդ ռեժիմի դատախազից պաշտոնապես պահանջել է մեղադրանք առաջադրել Իսրայելի վարչապետ Բենիամին Նեթանյահուի դեմ:
Համաձայն «Ֆարս» լրատվական գործակալության հաղորդման, Սիոնիստական ռեժիմի ոստիկանությունն այդ ռեժիմի դատախազին հորդորել է Նեթանյահուին պաշտոնական մեղադրանք առաջադրել երկու գործերով, որոնց շուրջ հետաքննություն է անցկացվել:
«Գործ 1000» անունով հայտնի առաջին գործով, Իսրայելի վարչապետին կաշառք, ստանալու և խաբեության մեղադրանք է առաջադրվել:
«Գործ 2000» անունով հայտնի երկրորդ գործում, Նեթանյահուն մեղադրվում է իր կառավարության մասին լուրերն առավել լավ մեկնաբանելու համար «Յեդիութ Ահարանոթ» օրաթերթի տնօրենի հետ գործարք կնքելու և դրա դիմաց մրցակից «Իսրայել Հյում» օրաթերթի համար սահմանափակություններ ստեղծելու մեջ:
Վերջին շաբաթների ընթացքում Նեթանյահուն մի քանի անգամ ոստիկանության կողմից հարցաքննման է ենթարկվել:
Նեթանյահուն Սիոնիստական ռեժիմի առաջին պաշտոնյան չէ, որին կոռուպցիայի գործով մեղադրանք է առաջադրվում: Բարոյական ու ֆինանսական կոռուպցիան Սիոնիստական ռեժիմի պաշտոնատարների մոտ տարածված երևույթ է:
