Ադրբեջանը, Թուրքիան և Ուկրաինան համագործակցության եռակողմ ձևաչափ են ստեղծում

Ադրբեջանը, Թուրքիան և Ուկրաինան մարտի 6-ին Բաքվում կանցկացնեն քաղաքական խորհրդակցություններ, որոնց ժամանակ կքննարկվի համագործակցության եռակողմ ձևաչափի ստեղծման հարցը։

Ինչպես գրում է minval.az կայքը, այս մասին հայտնել է Կիևում Ադրբեջանի դեսպան Ազեր Խուդիևը:
Նա նշել է, որ այդ առիթով Բաքու կայցելեն Թուրքիայի և Ուկրաինայի փոխարտգործնախարարներ Ումիդ Յալչընը և Վասիլի Բոդնարը:
Կողմերը կքննարկեն քաղաքական, տնտեսական, մարդասիրական և էներգետիկ ոլորտներում համագործակցության հեռանկարներն ու փոխգործակցությունը միջազգային կազմակերպությունների գործունեության շրջանակում:
Դեսպանը նաև ընդգծել է, որ կողմերը կքննարկեն բեռնափոխադրումների և այլ հարցեր:
Նշենք, որ Ադրբեջանն ու Թուրքիան համագործակցության եռակողմ ձևաչափեր են ստեղծել Իրանի, Վրաստանի և այլ երկրների հետ։

Tert.am