Ֆլորիդայում պատրաստվում են բողոքի ակցիա անցկացնել ազատորեն զենք կրելու դեմ
ԱՄՆ Ֆլորիդա նահանգի մի դպրոցում մահացու հրաձգության հետևանքով զոհվածների հարազատները կոչ են արել բողոքի ակցիա անցկացնել ազատորեն հրազեն կրելու դեմ:
Ինչպես «Ֆրանս Պրես» լրատվական գործակալությունն է հաղորդել՝ չորեքշաբթի օրը մի ամերիկացի երիտասարդի մահացու կրակոցների թիրախում հայտնված դպրոցի աշակերտները պատրաստվում են փետրվարի 24-ին բողոքի ակցիա անցկացնել այդ երկրում զենքի ազատ վաճառքի ու կրելու դեմ:
«Քայլերթ հանուն մեր կյանքի» կոչվող արշավն այն դեպքում է կազմակերպվել, երբ ԱՄՆ-ում մշտապես ձախողվել են զենքի ազատ վաճառքի սահմանափակման դեմ ուղղված ջանքերը:
Նշվում է, որ ցուցարարները պահանջում են անհապաղ մի նախագիծ ներկայացնել Կոնգրեսին հրազենի ազատ վաճառքն ու կրելը վերահսկելու և դրա հետ կապված բռնությունները կանխելու համար:
ԱՄՆ տարբեր նահանգներում ամեն օր մեծ թվով մարդիկ են սպանվում ու վիրավորվում հրաձգության հետևանքով:
Վիճակագրական տվյալների համաձայն՝ ԱՄՆ-ն իր բնակչության թվի համեմատ ամենաշատ թեթև զենքներն ունի: Յուրաքանչյուր 100 հոգու հաշվով 90 ատրճանակ ու հրացան կա այդ երկրում:
