Սպիտակ տունը մեկնաբանել է Հյուսիսային Կորեայի՝ բանակցություններ վարելու պատրաստակամության վերաբերյալ հայտարարությունը

ԱՄՆ վարչակազմը փետրվարի 25-ին մեկնաբանել է ԿԺԴՀ-ի՝ Կորեայի թերակղզում իրավիճակի կարգավորման վերաբերյալ բանակցություններ սկսելու պատրաստակամության մասին հայտարարությունը, հաղորդում է ՌԻԱ Նովոստի»-ն:

Ավելի վաղ Հարավային Կորեայի կառավարությունը հաղորդել էր, որ հյուսիսկորեական պատվիրակությունը Հարավային Կորեայի նախագահ Մուն Չժե Ինի հետ հանդիպման ժամանակ հայտարարել է ԿԺԴՀ-ի եւ ԱՄՆ-ի միջեւ բանակցություններ սկսելու պատրաստակամության մասին:
ԱՄՆ հայտարարության մեջ նշվում է, որ Միացյալ Նահանգները, Հարավային Կորեան եւ միջազգային հանրությունը «ընդհանուր առմամբ համաձայն են, որ ապամիջուկայնացումը պետք է Հյուսիսային Կորեայի հետ որեւէ երկխոսության արդյունք դառնա»:
«Առավելագույն ճնշման քարոզարշավը պետք է շարունակվի այնքան ժամանակ, քանի դեռ Հյուսիսային Կորեան չի սկսել ապամիջուկայնացումը: Ինչպես նշել է նախագահ Թրամփը, եթե Հյուսիսային Կորեան ընտրի ապամիջուկայնացումը, նրան ավելի պայծառ ճանապարհ է սպասում», - նշվում է հայտարարության մեջ:

News.am