Թուրքիան սպասում է «Ս-400» համակարգերին
Թուրքիայի պաշտպանական արդյունաբերության բաժնի ղեկավարը տեղեկացրել է , որ առաջիկա տարի այդ երկրյ է հանձնվելու Ռուսաստանի «Ս-400» համակարգը:
Թուրքիայի «Մելլիյեթ» օրաթերթի հաղորդմամբ, Էսմայիլ Դեմիրը թուիթերում գրել է.«2019 թվականի հուլիսին Թուրքիային է հանձնվելու Ռուսաստանի «Ս-400» համակարգը»:
Անդրադառնալով Թուրքիայում անցկացվող Անկարա-Մոսկվա երկկողմ համագործակցությունների նիստին, Դեմիրն ասել է.«Նիստում քննարկվել է փորձագիտական մակարդակում պաշտպանական արդյունաբերության բաժնում Թուրքիայի և Ռուսաստանի երկկողմ համագործակցությունների հնարավորությունը: Ըստ ձեռքբերված համաձայնությունների, «Ս-400» համակարգը ժամկետից առաջ և 2019 թվականի հուլիսին հանձնվելու է Թուրքիային»:
ՌԴ նախագահ Վլադիմիր Պուտինը երեքշաբթի օրն Անկարայում ասել է , որ Թուրքիային հրթիռային համակարգերի վաճառքը համարվում է Մոսկվա-Անկարա ռազմական համագործակցության գերակայությունը:
Չորեքշաբթի օրը Անկարայում կայանալու է Սիրիայի հարցով Իրանի, Ռուսաստանի և Թուրքիայի եռակողմ նիստը:
