Սիրիայի Դումայում քիմիական հարձակումն իրականացվել է Բրիտանիայի ճնշումների ներքո. Ռուսաստան
ՌԴ ՊՆ խոսնակը, պարզաբանում կատարելով Սիրիայի Դումայում իրականացված քիմիական հարձակման կապակցությամբ, հայտարարել է, որ հարձակումը ծրագրել է Բրիտանիան: Նա հավելել է. «Սիրիական զինված խմբավորումներից համարվող «Սպիտակ սակրավորներ»-ը, Լոնդոնի ճնշման ներքո համաձայնել են նման քայլ իրականացնել»:
ԻՌՆԱ-ի հաղորդման համաձայն, Իգոր Կոնաշենկովն ուրբաթ օրը Ռուսաստանի պաշտպանության նախարարությունում կայացած մամլո ասուլիսում ասել է. «Բրիտանիան «Սպիտակ սակրավորներ»-ի խմբին ճնշման տակ է դրել, որպեսզի կազմակերպեն Սիրիայի Դումայում քիմիական հարձակման բեմադրությունը»:
«Հավաստի տեղեկությունները վկայում են, որ ապրիլի 3-ից 6-ի կտրվածքում Լոնդոնը մեծ ճնշում է գործադրել «Սպիտակ սակրավորներ»-ի վրա, որպեսզի կազմակերպեն Սիրիայի Դումայում քիմիական հարձակման ներկայացումը»,-ընդգծել է Ռուսաստանի պաշտպանության նախարարության խոսնակը:
Ռուսաստանի ԱԳ նախարար Սերգեյ Լավրովն էլ ուրբաթ օրը Մոսկվայում կայացած մամուլի ասուլիսի ժամանակ ասել է. «Դումայում քիմիական հարձակման ներկայացումը պատրաստել են երկրներից մեկի գաղտնի ծառայությունները, որը ցանկանում է առաջատար դիրք գրավել Ռուսաստանի հետ թշնամի երկրների շարքում»:
