Ցույցեր Դալասում՝ ԱՄՆ-ում ազատ զենք կրելու իրավունքի դեմ
Դոնալդ Թրամփի ելույթի ժամանակ Դալասի բնակիչները բողոքի ցույց են անցկացրել երկրում ազատ զենք կրելու օրենքի դեմ:
Reuters գործակալության հաղորդմամբ՝ Տեխաս նահանգի Դալաս քաղաքում Զենքի ազգային միության տարեկան նիստում ԱՄՆ նախագահի ելույթի ժամանակ, ակտիվիստները ցույցեր են անցկացրել ՝ պահանջելով ավելի խիստ սահմանափակումներ կիրառել զենքի առք ու վաճառքի ոլորտում:
Դալասի ցուցարարները պաստառներ էին կրում, որոնց վրա կային Զենքի ազգային միությանը քննադատող գրություններ: Ցույցին մասնակցում էին նաև Ֆլորիդայի դպրոցում տեղի ունեցած հրաձգության զոհերի հարազատները:
Փետրվար ամսին Ֆլորիդայի Փարքլենդի մի դպրոցում տեղի ունեցած հրաձգության դեպքից հետո մեծ թվով աշակերտներ ու ուսուցիչներ ցույց էին անցկացրել զենք կրելու ազատության օրենքի դեմ:
Թրամփը զենքի կրումը սահմանափակելու փոխարեն, առաջարկել է զինել նաև ուսուցիչներին:
