Boeing և Airbus ընկերությունները մեծապես տուժել են Թրամփի որոշումից
Իրանի միջուկային համաձայնությունից ԱՄՆ-ի դուրս գալուց հետո, Boeing և Airbus ինքնաթիռաշինության ընկերությունները 40 միլիարդ դոլարի վնաս են կրելու:
«Բլումբերգ» գործակալության հաղորդմամբ, ՀԳՀԾ-ից ԱՄՆ-ի հրաժարվելու հետևանքով, կասեցվելու է Իրանին Boeing և Airbus ընկերությունների կողմից ինքնաթիռների վաճառքի պայմանագիրը:
Իրանի և 5+1 խմբի միջև միջուկային համաձայնությունը կնքվելուց հետո, ամերիկյան Boeing ընկերությունը 20 միլիարդ դոլարի պայմանագիր ստորագրեց ՝ Իրանին ուղևորատար ինքնաթիռներ վաճառելու համար: ՀԳՀԾ-ից ԱՄՆ-ի դուրս գալը չեղրկելու է պայմանագիրն ՝ այդ երկրին 20 միլիարդ դոլարի վնաս պատճառելով:
Airbus ընկերությունը ևս Իրանի հետ քսան միլիարդ դոլարի պայմանագիր է ստորագրել , որը նույնպես կասեցվելու է Թրամփի վերջին որոշման պատճառով:
ԱՄՆ ֆինանսների նախարար Ստիվ Մենուչինը երեքշաբթի օրը հայտարարել է, որ չեղարկվելու է այդ երկու խոշոր ընկերությունների կողմից Իրանին ինքնաթիռներ վաճառելու արտոնագիրը:
