Թերեզա Մեյ.«ՀԳՀԾ-ն պետք է պահպանվի»
Կարևորելով Համատեղ գործողությունների համապարփակ ծրագիրը, Բրիտանիայի վարչապետն ընդգծել է.«Բրիտանիան համոզված է ,որ պետք է պահպանել միջուկային համաձայնագիրը»: Այս մասին հաղորդում է ԻՌՆԱ լրատվական գործակալությունը:
Այսօր Բրիտանիայի համայնքների պալատի պատգամավորներից մեկը քննադատել է ԱՄՆ-ին, նշելով, որ այդ երկիրը Համատեղ գործողությունների համապարփակ ծրագրից դուրս գալով, հակակշռի տակ է առել Իրանի հետ հարաբերությունների նորմալացման ուղղությամբ արձանագրված առաջընթացը: Թերեզա Մեյն արձագանքելով պատգամավորին ասել է.«Նույն կարծիքին են նաև Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը: Երեք երկրներն այդ մասին համատեղ հայտարարությամբ են հանդես եկել»:
Թերեզա Մեյը հայտարարել է, թե կան այլ հարցեր Իրանի վերաբերյալ, որոնց պետք է հետամուտ լինել: Եվրոպացի դաշնակիցների և միջուկային համաձայնագրի մյուս անդամ երկրների համագործակցությամբ ջանքեր են ծավալվում այս կապակցությամբ:
Նա հավելել է.«Մենք համոզված ենք, որ Իրանի միջուկային համաձայնությունը կարևոր քայլ է աշխարհի անվտանգության գործընթացում և պետք է պահպանել այն»:
