Բրիտանիա.«Հակաիրանական պատժամիջոցների չեղարկումը ՀԳՀԾ-ի կարևորագույն մասն է»
Բրիտանիայի ԱԳ նախարարի տեղակալն ընդգծել է.«Համատեղ գործողությունների համապարփակ ծրագրի նկատմամբ Իրանի հավատարմության դիմաց Թեհրանի դեմ պատժամիջոցների չեղարկումը մշտապես լինելու է այս համաձայնագրի կարևորագույն մասը»:
Բրիտանիայի ԱԳ նախարարության Միջին Արևելքի հարցերով տեղակալ Ալիսթեր Բերթը ԻՌՆԱ-ին տված հարցազրույցում ասել է.«Միջուկային գործարքը (ՀԳՀԾ) կատարվել է նախատեսված նպատակի համաձայն»:
Բերթը վերահաստատել է Լոնդոնի հավատարմությունը ՀԳՀԾ-ի պահպանման նկատմամբ: «Այս ոլորտում կշարունակենք համագործակցել ՀԳՀԾ-ի մյուս կողմերի հետ»․ ասել է նա:
Բրիտանիայի ԱԳ նախարարության Միջին Արևելքի հարցերով տեղակալը նշել է. «Լոնդոնն իր եվրոպացի գործընկերների հետ կհամագործակցի պատժամիջոցների վերացումը երաշխավորող քայլերի ուղղությամբ»:
«ՀԳՀԾ-ն ոչ միայն կարևոր բաղադրիչ է Իրանի ու Բրիտանիայի հետագա հարաբերություններում, այլև նշանակալի դեր ունի տարածաշրջանային հարաբերություններում և կայունության ու անվտանգության ոլորտում»․ ընդգծել է Բերթը:
