Մոգերինին կրկին ընդգծեց. ՀԳՀԾ-ն այլընտրանք չունի
ԵՄ արտաքին քաղաքականության պատասխանատուն ասել է. «Միջազգային հանրությունը պաշտպանել է ՀԳՀԾ-ն ու այդ համաձայնությունը որևէ այլընտրանք չունի»:
ԵՄ-ի կայքէջի հաղորդման համաձայն, ԵՄ արտաքին քաղաքականության պատասխանատու Ֆեդերիկա Մոգերինին երեքշաբթի օրը Եվրոխորհրդարանի դռնբաց նիստում ասել է. «ՀԳՀԾ-ի գործադրման ուղղությամբ ջանքերը շարունակվում են»:
«Երեք տարի անց Իրանը հավատարիմ է մնացել իր պարտավորություններին և դա 11 անգամ հաստատել է ԱԷՄԳ-ն»-ընդգծել է Մուգերինին:
Նրա խոսքերով. «ՀԳՀԾ-ի կապակցությամբ ԵՄ-ի դիրքորոշումը չի փոխվել և այս միությունը հավատարիմ է համաձայնության ազդեցիկ ու լիարժեք գործադրմանը»:
«Թե միջուկային պարտավորությունների առումով և թե տնտեսական տեսակետից ՀԳՀԾ-ի գործադրումը պիտի շարունակվի, քանի որ ՀԳՀԾ-ի մյուս բաժինը պատժամիջոցների չեղարկումը և առևտրական կապերի կարգավորման համար այս համաձայնությամբ ստեղծված հնարավորությունների օգտագործումն է»,-ընդգծել է ԵՄ արտաքին քաղաքականության պատասխանատուն:
ԵՄ արտաքին քաղաքականության պատասխանատուն հավելել է. «ՀԳՀԾ-ից հեռանալու ԱՄՆ նախագահ Դոնալդ Թրամփի որոշումը միջազգային հանրության, բազմակողմ համակարգի ու ՄԱԿ-ի հեղինակության դեմ ուղղված գրոհ էր, մինչդեռ ՀԳՀԾ-ի պահպանումը նաև ԱՄՆ-ի շահերի պաշտպանության ուղղությամբ է»:
