Էրդողանին նոր լիազորություններ են շնորհվել
Թուրքիայի կառավարության կայացրած նոր վճռի համաձայն՝ երկրի վարչապետի և նախարարների կազմի լիազորությունները փոխանցվում են նախագահ Ռեջեբ Թայեբ Էրդողանին:
Թուրքիայի կառավարության պաշտոնական հայտարարության համաձայն՝ այդ վճռով, փոփոխություններ են մտցվելու 1924-2017 թթ.-ին ընդունված օրենքներում,որոնց շրջանակում ընդլայնվելու են գործող նախագահի լիազորությունները:
Ըստ հաղորդման՝ 2017 թ. ապրիլին Թուրքիայում անցկացված հանրաքվեի արդյունքում սահմանադրական փոփոխություններն ընդունվել են: Այսպիսով Թուրքիայի նախագահը կարող է նշանակել Սահմանադրական դատարանի 12 և դատախազների ու դատավորների գերագույն կոմիտեի չորս անդամներին:
Թուրքիայում նախագահի լիազորությունների ընդլայնումը լուրջ քննադատությունների տեղիք է տվել: Քննադատներն այն մտավախությունն ունեն, որ Էրդողանի լիազորությունների ընդլայնումը և այդ ուղղությամբ նրա կողմից ստեղծված փոփոխությունները կարող են Թուրքիան տանել դեպի բռնապետություն:
