Եվրոպան միջոցներ է ձեռնարկել՝ ԱՄՆ-ի մաքսատուրքերին դիմակայելու համար
Եվրահանձնաժողովը պատասխան միջոցներ է ձեռնարկել պողպատի ներմուծումների վրա ԱՄՆ-ի սահմանած մաքսատուրքերի դեմ:
Եվրահանձնաժողովը չորեքշաբթի օրը հրապարակել է հաղորդագրություն,որում հայտարարել է,որ հատուկ միջոցներ է ձեռնարկել պողպատի ներմուծումների վրա ԱՄՆ կողմից հայտարարված մաքսատուրքերից եվրոպական երկրների առևտրային շահերը պաշտպանելու համար:
Հաղորդագրության մեջ ասված է.«Այս միջոցների կիրառման նպատակն է դիմակայել Եվրոպայի պողպատի ներմուծումների դեմ ԱՄՆ-ի կողմից վերջերս սահմանված մաքսատուրքերին»:
Եվրահանձնաժողովի նախագահ Ժան Կլոդ Յունկերը, քննադատելով ԱՄՆ-ի առևտրային քաղաքականությունները հայտարարել է, որ Եվրամիությունը հայց է ներկայացրել Առևտրի համաշխարհային կազմակերպությանը՝ ԱՄՆ սակագնային քաղաքականության դեմ :
ԱՄՆ-ն ավելի վաղ ծանր հարկեր է սահմանել տարբեր երկրներից այդ թվում՝ Մեքսիկայից, Կանադայից, Չինաստանից և Եվրամիությունից պողպատի ու ալյումինի ներմուծման համար: Բրյուսելը բազմիցս իր անհամաձայնությունն է հայտնել ԱՄՆ-ի առևտրային քաղաքականությունների վերաբերյալ:
