Հարձակում դանակի միջոցով՝ Գերմանիայի հյուսիսում. վիրավորվել է 14 մարդ
Հուլիս 21, 2018 02:49 Asia/Tehran
Դանակով զինված անձը Գերմանիայում հարձակում գործելով ավտոբուսի ուղևորների վրա, վիրավորել է 14 հոգու:
Գերմանական «Բիլդ» օրաթերթի ինտերնետային կայքի ուրբաթ օրը կատարած հաղորդման համաձայն՝ Գերմանիայի հյուսիսային Լուբեք քաղաքում ավտոբուսի ուղևորներից մեկի կողմից իրականացված հարձակման հետևանքով 12 ուղևորներ թեթևակի վնասվածքներ են ստացել, իսկ երկու ուրիշներ ստացած ծանր վերքերի պատճառով տեղափոխվել են հիվանդանոց:
Հաղորդման համաձայն, Լուբեք քաղաքում ավտոբուսի ուղևորներից մեկը նախ նետել է իր ուսապարկը, որից ըստ երևույթին ծուխ է դուրս եկել և ապա հարձակվել է ուղևորների վրա:
Գերմանիայի տեղական որոշ ԶԼՄ-ների հաղորդմամբ՛ գրոհային անձը զինված է եղել ատրճանակով:
«Բիլդ» օրաթերթի ինտերնետային կայքի հաղորդման համաձայն գրոհայինը կալանավորվել է:
Պիտակ
