Մարդու գործունեությունն արտացոլվել է տարվա եղանակների վրա․ գիտնականներ
Ամերիկացի գիտնականները պարզել են, որ մարդու գործունեությունը արտացոլվում է տրոպոսֆերայի՝ մթնոլորտի ստորին շերտի օդի ջերմաստիճանի սեզոնային տատանումներում։
Դա թույլ է տվել պարզել, որ ամառային ջերմաստիճանը որոշ շրջաններում սկսել է արագորեն աճել ձմեռայինի հետ համեմատած։ Հետազոտությունը հրապարակվել է Science ամսագրում։ Նոր աշխատանքի հեղինակները ուսումնասիրել են մի քանի տեսական մոդելներ, որոնք նկարագրում են կլիմայի վիճակը արդյունաբերական հեղափոխությունից առաջ եւ հետո։
Ամառային ջերմաստիճանը միջին լայնություններում աճում է ավելի արագ, քան ձմեռայինը։ Հյուսիսային կիսագնդում այս ազդեցությունը ավելի նկատելի է եղել, քանի որ այնտեղ զգալիորեն ցամաքն ավելի շատ է, քան Հարավում եւ օվկիանոսը ավելի քիչ «ավելորդ» ջերմություն է կլանում։
Գիտնականները կարծում են, որ այդ գործընթացները կարող են մեծացնել բնական անոմալ երևույթի հաճախականությունն ու ուժգնությունը։
