Ուկրաինայի արևելքում սպանվել է ընդդիմության առաջնորդը
Ուկրաինայի արևելքում ընդդիմության առաջնորդը զոհվել է Դոնեցկում տեղի ունեցած պայթյունի հետևանքով:
Ռուսաստանի «Ինտերֆաքս» լրատվական գործակալությունն ուրբաթ օրը հղում կատարելով Դոնեցկում տեղյակ մի աղբյուրի գրել է. «Ընդդիմության առաջնորդ Ալեքսանդր Զախարչենկոն սպանվել է Ուկրաինայի արևելյան տարածքում տեղի ունեցած պայթյունի հետևանքով»:
«Սպուտիկ» լրատվական գործակալությունն էլ հաղորդել է, որ պայթյունը որոտացել է Պուշկինի փողոցի «Սեպար» սրճարանում, որը շատ մոտ է Զախարչենկոյի նստավայրին։ Պայթյունի հետևանքով Զախարչենկոն վիրավորվել ու քիչ անց մահացել է:
Ռուսական այս լրատվական գործակալության հաղորդման համաձայն, սրճարանի շրջակա տարածքը փակ է և ոստիկանությունը դեպքի կապակցությամբ հետաքննություն է անցկացնում:
Ժամանակի իշխանությունների դեմ արևմտամետ ուժերի հեղաշրջման հետևանքով Ուկրաինան 2014 թվականի ապրիլից Դոնեցկի ու Լուգանսկի տարածքներում կառավարության ու ընդդիմության բախման թատերաբեմն է:
Ուկրաինան և նրա արևմտյան դաշնակիցները հավատացած են, որ Ռուսաստանը միջամտում է Ուկրաինայի արևելքում բախումներին և աջակցություն է ցուցաբերում այդ երկրի կառավարության ընդդիմադիրներին: Մոսկվան բազմիցս մերժել է այդ հայտարարությունը:
Ղրիմ թերակղզու բնակչությունը 2014 թվականի մարտին կայացած հանրաքվեի ժամանակ կողմ քվեարկեցին Ուկրաինայից կղզու անջատման ու Ռուսաստանին կցվելուն:
