ԱՄՆ-ի պետքարտուղարության զեկույցը և հակաիրանական անհիմն հայտարարությունների կրկնությունը
ԱՄՆ պետքարտուղարությունն աշխարհում ահաբեկչության վիճակի մասին իր տարեկան զեկույցում կրկնել է ԻԻՀ-ի դեմ ուղղված մեղադրանքները:
Իրանի ռադիո-հեռուստատեսության լրատվական գործակալության հաղորդման համաձայն, ԱՄՆ պետքարտուղարությունը չորեքշաբթի օրն իր տարեկան զեկույցում հայտարարել է, որ Իրանը տարածաշրջանում հովանավորում է ահաբեկչությունը:
«Իրանը միջամտում է արաբական երկրների, այդ թվում Բահրեյնի ներքին հարցերին»,-ասված է ԱՄՆ պետքարտուղարության զեկույցում:
ԱՄՆ պետքարտուղարության զեկույցում Լիբանանի Հեզբոլլահը և պաղեստինյան դիմադրության խմբերը ներկայացվել են որպես ահաբեկչական խմբեր:
Դոնալդ Թրամփի գլխավորությամբ ԱՄՆ գործող վարչակազմն Իրանի դեմ թշնամանքը հասցրել է գագաթնակետին և չի հրաժարվում նույնիսկ անիրական ու անիմն հայտարարություններ անելուց:
ԱՄՆ գործող պետայրերն այն պայմաններում են Իրանին ահաբեկչության և տարածաշրջանում անկայունության մեջ մեղադրում, երբ բոլորին հայտնի է աշխարհի տարբեր անկյուններում ոճրագործներին աջակցություն ցուցաբերելու նրանց քաղաքականությունը:
