«Աշխարհում ես որտեղ եմ կանգնած» (6) (Իրանի դիրքը կենսաբազմազանության առումով)
Հուլիս 11, 2020 04:01 Asia/Tehran
«Աշխարհում ես որտեղ եմ կանգնած» հաղորդաշարում մենք կփորձենք անդրադառնալ միջազգային վիճակագրական տվյալներով տարբեր ոլորտներում, այդ թվում բնական պաշարների, գիտության, զբոսաշրջության, տեխնոլոգիաների, սպորտի և այլ ոլորտներում Իրանի առաջատար դիրքերին: Հարկ է նշել, որ այս հաղորդաշարի տեղեկատվությունը կազմվել և մշակվել է 2018թ. վերջին վիճակագրական տվյալների հիմամբ:
«Գիտեք, արդյո՞ք, որ Իրանը կենսաբազմազանության հարստության առումով աշխարհում տասներեքերորդ երկիրն է»:
«Կենսաբազմազանությունը» կամ կենսաբանական հարստությունը, որին մենք այսօր ականատես ենք, միլիարդավոր տարիների էվոլյուցիայի արդյունք է: Կենսաբազմազանությունը սահմանվում է երեք մակարդակում՝ գեների, տեսակների և էկոհամակարգի: Իր կլիմայական բազմազանության շնորհիվ Իրանն օժտված է բարձր կենսաբազմազանությամբ, այդ պատճառով կենսաբազմազանության առումով Իրանը աշխարհում առաջին 20 երկրների շարքում է գտնվում: Իրանում գոյություն ունի 1480 բնաշխարհիկ տեսակներ և ողնաշարավորների 115 տեսակ: Ներկայումս այս երկրում գործում են 30 ազգային պարկ, 37 ազգային բնական հուշարձան, վայրի բնության 45 արգելոց և 170 պահպանվող տարածք, որոնց ընդհանուր մակերեսը կազմում է մոտ 17 միլիոն հա: Իրանում կան նաև միջազգային նշանակությամբ 24 լճակներ և կենսամիջավայրի պահպանման ոլորտում այս երկիրը առաջատար երկրներից է համարվում:
1972թ. Ստոկհոլմի համաժողովից և դրան հաջորդած 1992թ. Ռիոյի համաժողովից հետո պետությունները պարտավորվեցին երեք կոնվենցիաներով՝ կենսաբազմազանության, Կլիմայի փոփոխության և Անապատացման դեմ պայքարի կոնվենցիաներով: 1992թ. Իրանը միացավ Կենսաբազմազանության կոնվենցիային: Սույն Կոնվենցիայի նպատակներն էին պաշտպանել կենսաբազմազանությունը, կենսաբազմազանության ռեսուրսների և բաղադրիչների կայուն օգտագործումը, գենետիկ ռեսուրսների ձեռքբերումը և կենսաբազմազանությունից բխող առավելությունների արդարացի բաշխումը:
Պիտակ
