Նորություններ (9)
Սեպտեմբեր 08, 2021 08:51 Asia/Tehran
«Նորություններ» հաղորդաշարի շրջանակներում ամեն շաբաթ ներկայացվում են Իրանում գրանցված գիտական, մշակութային, տնտեսական ու ռազմական նորագույն ձեռքբերումները:
Այս շաբաթվա «Նորություններ» հաղորդումը կսկսենք բժշկության ոլորտում Իրանում արձանագրված նոր ձեռքբերումով:
Միայն մի քանի երկրների է հաջողվել կորոնավիրուսի դեմ պատվաստանյութ արտադրել: Իրանը ևս այդ երկրների շարքում է և իսլամական հեղափոխության մեծարգո առաջնորդ՝ Այաթոլլահ Խամենեին իրանական արտադրության պատվաստանյութ է ստացել:
Իրանցի երիտասարդ գիտնականների ու հետազոտողների ջանքերի շնորհիվ այս պատվաստանյութի արտադրմամբ Իրանը միացավ կորոնավիրուսի դեմ պատվաստանյութ արտադրող վեց երկրների շարքին: Պատվաստվելուց հետո, իսլամական հեղափոխության մեծարգո առաջնորդը երախտագիտություն է հայտնել բոլոր նրանց, ովքեր իրենց գիտելիքով և անխոնջ աշխատանքով պատիվ են բերել Իրանին:
Իրանի առողջապահության նախարարն ասել է.«Մի խումբ է կյանքի կոչվել երկրում արտադրվող տարբեր պատվաստանյութերի գիտական փաստաթղթերը գրանցելու և դրանք միջազգային կազմակերպություններին ներկայացնելու համար»:
Վերջերս իրանական գիտելիքահենք մի ընկերության հետազոտողներին հաջողվել է արտադրել կորոնավիրուսի տարբեր շտամների հայտնաբերման սարք՝ գրեթե 100% ճշգրտությամբ:
Այս սարքը կարող է հայտնաբերել կորոնավիրուսի բրիտանական, բրազիլական, հարավաֆրիկյան և հնդկական շտամները*: Այս սարքը հաստատվել է Առողջապահության և բժշկական կրթության նախարարության Սննդամթերքի և դեղորայքի կազմակերպության կողմից: Բացի այդ, այս սարքը շուկայում առկա սարքերի համեմատ 10 անգամ ավելի զգայուն է կորոնավիրուսի նոր տեսակները հայտնաբերելու առումով:
Իմունոթերապիան բոլոր տեսակի քաղցկեղի դեմ պայքարի նորահայտ մեթոդներից մեկն է: Բայց այս կերպ չարորակ ուռուցքների վերացումը կարող է բացասական ազդեցություն ունենալ մարմնի վրա: Մակ Մաստեր համալսարանի իրանցի գիտաշխատող դոկտոր Ալի Աշքարը մշակել է իմունոթերապիայի նոր ձև՝ հիմնված իմունային բջիջների տարբեր տեսակների ուժեղացման վրա: Մակ Մաստեր համալսարանի իրանցի հետազոտողը կրծքագեղձի չարորակ ուռուցքները ոչնչացնելու համար օգտագործել է CAR-NK անվանումով իմունոթերապիայի նոր մեթոդ:
Չարորակ ուռուցքները սովորաբար խաբելով իմունային համակարգին, կանխում են իրենց հայտնաբերումը, սակայն իմունոթերապիայի նոր մեթոդի կիրառման դեպքում, իմունային համակարգը չի սխալվում: Նախկինում CAR T իմունոթերապիան օգտագործվում էր ուռուցքների վրա հարձակվելու իմունային բջիջների ամրապնդման համար: Այս մեթոդը օգտակար է լեյկեմիայի բուժման համար, սակայն այն չի սպանում ուռուցքները: Իմունոթերապիայի նոր մեթոդը, որը կոչվում է Car NK, օգտագործում է NK իմունային բջիջները, ուռուցքների թիրախավորման համար: Ըստ դոկտոր Աշքարի, NK բջիջներն ավելի խելացի են և հարձակվում են միայն չարորակ ուռուցքների վրա: Նրանք կարող են ավելի ճշգրիտ ճանաչել մարմնի առողջ բջիջները և կանխել նրանց դեմ հարձակումը:
Կրծքագեղձի քաղցկեղի ոչնչացման լաբորատորիայում իմունոթերապիայի այս մեթոդի արդյունավետությունը հաջողությամբ ապացուցված է, և այս գործընթացում առողջ բջիջների անվնաս մնալը հույս է ներշնչել բժիշկներին: Իհարկե, այս բուժումը դեռ պետք է փորձարկվի կենդանիների, ապա մարդկանց վրա:
Տաք ասֆալտի խառնուրդը (WMA) ուշադրություն է գրավել ասֆալտի արդյունաբերության մեջ՝ որպես էկոլոգիապես մաքուր և կայուն տարբերակ: Տաք ասֆալտի խառնուրդը նվազեցնում է էներգիայի սպառումը և միևնույն ժամանակ նվազեցնում ջրի գոլորշու և ջերմոցային գազերի արտանետումների քանակը ասֆալտի պատրաստման գործընթացում` ներկայիս նմուշների համեմատ: Այնուամենայնիվ, բարձր խոնավությունը և ասֆալտի ծերացումը կրճատում են ասֆալտի կյանքը: Այդ իսկ պատճառով, մի խումբ հետազոտողների, այդ թվում երկու իրանցի հետազոտողների ուսումնասիրության արդյունքում պարզվեց, որ սիլիցիումի պիրոգեն նանոմասնիկների օգտագործումը կարող է բարելավել տաք ասֆալտի խառնուրդի աշխատանքը` ճանապարհներում ավելի երկար կյանք ունենալու համար:
Ըստ Բրաունշվեյգի համալսարանի առաջատար գիտաշխատող՝ Գոշթասբ Չերաղյանի, առաջիկա հետազոտությունը ներառում է WMA տեխնոլոգիայի բացերը: FSN- ները, որպես տնտեսապես շահավետ, ոչ թունավոր նյութ, իդեալական տարբերակ են, որոնք կարող են մեծ ազդեցություն ունենալ WMA տեխնոլոգիայով արտադրված ասֆալտի պաշտպանության վրա: Բացի այդ, նանոմասնիկների և ասֆալտն ամրացնողների միջև մոլեկուլային փոխազդեցության վերաբերյալ մեր գտածոները կարող են նոր ճանապարհներ բացել ասֆալտի ճարտարագիտության մեջ նանոտեխնոլոգիայի օգտագործման համար: Այս ուսումնասիրության մեկ այլ հեղինակ՝ Սաջադ Քիանի խոսքերով, ապագայում այս մեթոդը կիրառելով, կարելի է այնպիսի ասֆալտներ մշակել, որոնք ջերմոցային գազերի արտանետումները նվազեցնելով, ավելի երկար կյանք կունենան ճանապարհներում:
Բարեկամներ մինչ Իրանի մասին նորությունների մեկ այլ թողարկում, լավագույնն ենք մաղթում բոլորիդ:
*****************************
*Շտամները վիրուսների գենետիկական մուտացիաներ են, որոնք սպասելի են: SARS-CoV-2- ը, որն առաջացնում է COVID-19 վիրուսը, տեղի է ունենում բնական կերպով, և ժամանակի ընթացքում տեղի են ունենում վիրուսի գենետիկական նյութի փոփոխություններ, որոնք հայտնի են որպես մուտացիաներ: Շտամ է առաջանում, երբ վիրուսի մի քանի էական մուտացիաներ կան: Շտամները մեզ համար մտահոգիչ են դառնում այն ժամանակ, երբ ազդում են հիվանդության տարածման, հիվանդության ծանրության, վիրուսի հայտնաբերման համար օգտագործվող թեստերի, պատվաստանյութերի և բուժման վրա:
