Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Թա Հա սուրահի 77-րդ այա

وَلَقَدْ أَوْحَیْنَا إِلَى مُوسَى أَنْ أَسْرِ بِعِبَادِی فَاضْرِبْ لَهُمْ طَرِیقًا فِی الْبَحْرِ یَبَسًا لَّا تَخَافُ دَرَکًا وَلَا تَخْشَى  

Մովսեսին հրամայեցինք. «Արարածներիս գիշերով ( Եգիպտոսից) տար և նրանց համար չոր ճանապարհ բաց ծովի մեջ: Մի վախեցիր, թե (փարավոնը) կարող է ձերբակալել քեզ, և ոչ էլ վախեցիր ծովում խեղդամահ լինելուց»:

Նախորդ հաղորդման ժամանակ ներկայացրեցինք Մովսեսի պատմությունն ու այն, թե կախարդներն ինչպես հավատքի եկան ու այդպիսով, այդ բաժնի պատմությունն ավարտվեց: Այս այան խոսում է Իսրայելի ժողովրդի կյանքի մասին: Երբ Մովսեսը հաղթեց կախարդներին, նրա աջակիցների թիվը գնալով մեծացավ: Դրանից հետո փարավոնի ու Մովսեսի հետևորդների միջև տեղի ունեցան բախումներ, մինչև Մովսեսն Աստծո կողմից առաքելություն ստացավ Իսրայելի ժողովրդին, որ գտնվում էր փարավոնի լծի տակ, Եգիպտոսից հեռացնել ու վերադարձնել Երուսաղեմ: Այս այան ներկայացնում է  Աստծո հրամանը, որտեղ ասվում է. «Գիշերով հեռացեք քաղաքից, որպեսզի թշնամին չիմանա ձեր մասին: Ձեռնափայտը Նեղոսի ջրերին խփելուց հետո, Աստծո հրամանով ճանապարհ կբացվի և դուք կանցնեք այնտեղից առանց վտանգի: Չվախենաք ոչ թշնամուց և ոչ էլ ծովի ջրից»:

Այս այայից սովորում ենք․

1, Գաղթն  անհրաժեշտ է հատկապես երբ հավատացյալը պետք է պահպանի իր կրոնը: Չնայած հնարավոր է, որ այդ ճանապարհին լինեն դժվարություններ:

2, Բռնատերերից մարդկանց փրկելը եղել է մարգարեների ծրագրերից:

Թա Հա սուրահի 78 և 79-րդ այաներ

فَأَتْبَعَهُمْ فِرْعَوْنُ بِجُنُودِهِ فَغَشِیَهُم مِّنَ الْیَمِّ مَا غَشِیَهُمْ

وَأَضَلَّ فِرْعَوْنُ قَوْمَهُ وَمَا هَدَى

Փարավոնը նրանց հետևեց իր զինվորների հետ միասին: Բայց ծովի ջրերը ծածկեցին նրանց:

Փարավոնն իր ժողովրդին առաջնորդելու փոխարեն մոլորեցրեց:

Մովսեսի ու նրա հետևորդների ճանապարհվելու լուրը հասավ փարավոնին ու նա անձամբ նրանց հետապնդեց մեծ զորքով, մինչև Նեղոսի ափին շրջափակեց նրանց: Մովսեսի հետևորդները տեսան, որ իրենց հետևում փարավոնի զորքն է, իսկ առջևում ջուրը: Հենց այդ ժամանակ, Մովսեսն իր փայտով ճեղքեց ջուրն ու երևաց ճանապարհը: Մարդիկ սկսեցին  քայլել: Երբ Իսրայելի ժողովուրդն անցավ ջրի միջով, նրանց հետևող փարավոնի զորքը մնաց ջրի տակ ու խեղդամահ եղավ: Ջուրը կլանեց զինվորներին, զենք ու զրահն  ու ձիերին: Փարավոնը տեսնելով Մովսեսի հրաշքները,  ոչ ինքը հավատքի եկավ, ոչ էլ մարդկանց առաջնորդեց: Նա շարունակեց իր քայլերն ընդդեմ Մովսեսի ու շարունակեց մոլորեցնել մարդկանց: Փարավոնը, որ իրեն համարում էր Եգիպտոսի ժողովրդի Աստվածը, մարդկանց մոլորեցրեց, մինչև որ ինքն ու իր հետևորդները ոչնչացան:

Այս այաներից սովորում ենք․

1, Ծովն ու ջուրն Աստծո կողմից են: Դրանք երբեմն բարի են, երբեմն` զայրացած:

2, Հասարակության առաջնորդները կարևոր դեր են կատարում մարդկանց առաջնորդելու կամ մոլորեցնելու գործում:

Թա Հա սուրահի 80-րդ այա

یَا بَنِی إِسْرَائِیلَ قَدْ أَنجَیْنَاکُم مِّنْ عَدُوِّکُمْ وَوَاعَدْنَاکُمْ جَانِبَ الطُّورِ الْأَیْمَنَ وَنَزَّلْنَا عَلَیْکُمُ الْمَنَّ وَالسَّلْوَى

Ո՛վ Իսրայելի զավակներ, մենք ձեզ փրկեցինք թշնամիներից, ձեզ հետ պայմանավորվեցինք Սինա լեռան աջ կողմի վրա և ձեզ ուղարկեցինք մանանա ու լոր:

Այս այան խոսում է Իսրայելի ժողովրդի նկատմամբ Աստծո բարիքների մասին, ասելով, որ փարավոնի ճիրաններից ազատվելը, որ տեղի ունեցավ Մովսեսի առաջնորդությամբ ու Աստծո կամոք, առաջին նվերն էր այդ ժողովրդին: Սինա լեռը, որ Իսրայելի ժողովրդի մի խմբի պայմանավորվածության վայրն էր և որտեղ Մովսեսը ստացավ Հնգամատյանը, այն վայրն էր, որտեղ տեղի ունեցավ Աստծո առաջնորդությունը և որտեղ ի հայտ եկավ Աստծո ուժը: Իհարկե Աստված նրանց շնորհեց նաև նյութական բարիքներ: Երբ նրանք անապատում ուտելիք էին փնտրում, Աստված նրանց մոտակա լեռներում մեղր տվեց և փոքրիկ թռչուններ ուղարկեց, որ ունեին համեղ միս:

Այս այայից սովորում ենք․

1, Անկախությունն ու ազատությունն աստվածային բարիքներից են, որ պետք է մշտապես գնահատել:

2, Մարգարեները նպատակ ունեին մարդկանց առաջնորդել և նրանց համար ստեղծել բռնատերերի լծից ազատվելու հանրավորություն:

3, Աստված և՛ նյութական բարիքներ է շնորհում մարդկանց, և՛ բարոյական: Սակայն  բարոյական արժենքերն ավելի բարձր են գնահատվում:

Աստված Ձեզ պահապան։