Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Անբիա սուրահի 7-րդ և 8-րդ այաներ

وَمَا أَرْسَلْنَا قَبْلَکَ إِلاَّ رِجَالاً نُّوحِی إِلَیْهِمْ فَاسْأَلُواْ أَهْلَ الذِّکْرِ إِن کُنتُمْ لاَ تَعْلَمُونَ

وَمَا جَعَلْنَاهُمْ جَسَدًا لَّا یَأْکُلُونَ الطَّعَامَ وَمَا کَانُوا خَالِدِینَ

Քեզանից առաջ Մենք միայն ներշնչված մարդիկ ուղարկեցինք: Եթե չգիտեք, հարցրեք երկնային գրքերի գիտակներից:

Մենք նրանց չտվեցինք երևակայական մարմին, որ չի սնվում: Նրանք հավիտենապես չմնացին երկրի վրա:

Նախորդ հաղորդման ժամանակ ասացինք, որ Մեքքայի ժողովուրդն ու մարգարեի ընդդիմադիրները փնտրում էին պատրվակներ, ասելով, որ մարգարեն սովորական մարդ է և պարզապես ունի ազդեցիկ խոսք: Երբեմն ասում էին, որ այն ամենն, ինչ ասում է մարգարեն և դա ներկայացնում է  որպես աստվածային վկայություն, պարզապես ցնորված մարդու մտքի արդյունք է որ նա ներկայացնում է որպես ճշմարտություն: Երբեմն էլ ասում էին, որ նա պարզապես բանաստեղծ է և չի կարելի նրա ստեղծագործությունները կապել Աստծո հետ: Մարգարեի ընդդիմադիրները նաև պնդում էին, որ եթե մարգարեն ուղարկվել է Աստծո կողմից, պետք է գործի հրաշքներ, ինչպիսիք գործել են իր նախորդները: Նախորդ հաղորդման ժամանակ քննարկեցինք այս հարցը: Այնուհետև այս այաներն ասում են, որ բոլոր մարգարեները պատմության ընթացքում եղել են մահկանացուներ և Աստված երբեք ոչ մի հրեշտակի չի ուղարկել որպես մարգարե: Եթե ընդդիմադիրները դա չգիտեն, ուրեմն կարող են հարցնել գիտնականներից, որպեսզի այլևս պատրվակներ չփնտրեն ու չասեն. Երնեկ այս մահկանացուի փոխարեն Աստված ուղարկեր մի հրեշտակ, որի կյանքը հավերժ լիներ:

Այս այաներից սովորում ենք.

1. Մարդն ունի հնարավորություն` հաղորդակցվելու արարչի հետ և նրա կողմից ներշնչվելու: Իհարկե դա տեղի է ունենում Աստծո կամոք:

2. Ղուրանը մարդկանց պատվիրում է  ինչի մասին ,որ  չգիտեն հարցնեն գիտնականներից։

3.Մարգարեները, նյութական ու մարդկային առումով չեն տարբերվում մյուս մարդկանցից: Նրանք մահկանացուներ են և չունեն հավերժական կյանք:

Անբիա սուրահի 9-րդ այա

ثُمَّ صَدَقْنَاهُمُ الْوَعْدَ فَأَنجَیْنَاهُمْ وَمَن نَّشَاء وَأَهْلَکْنَا الْمُسْرِفِینَ

Մենք գործադրեցինք այն խոստումները, որ տվել էինք իրենց, նրանց փրկեցինք մեր ընտրյալների հետ: Իսկ ծայրահեղներին կորստյան մատնեցինք

Այս այան, ավետելով հավատացյալներին և նախազգուշացնելով ընդդիմադիներին, ասում է. «Մենք մարգարեներին խոստացել էինք, որ չեզոքացնելու ենք թշնամիների սադրանքները: Եվ եթե նրանք չհրաժարվեն թշնամությունից ու չճանաչեն իրենց չափը, նրանց կոչնչացնենք: Մենք վերջապես կատարեցինք մեր խոստումը` փրկեցինք հավատացյալներին ու առաքինիներին և ոչնչացրեցինք նրանց, ովքեր չգիտեին իրենց չափը»:

Այս այայից սովորում ենք.

1.Հաղթանակի խոստումը, որ Աստված տվել է մարգարեներին, իրականանալու է: Պատմությունը վկայում է, որ բռնատերերը միշտ ոչնչանում են, իսկ արդարությունը` հաղթում:  

2. Վատնումը և խնայողություն չանելը ոչ միայն նյութական կյանքում կարելի է տեսնել, այլ նաև ճշմարտության նկատմամբ: Կան մարդիկ, ովքեր չեն խնայում իրենց և բռնություն են գործադրում իրենք իրենց նկատմամբ:

Անբիա սուրահի 10-րդ այա

أَنزَلْنَا إِلَیْکُمْ کِتَابًا فِیهِ ذِکْرُکُمْ أَفَلَا تَعْقِلُونَ

Մենք ձեզ ուղարկեցինք մի գիր, որ ձեզ համար պատվիրաններ է պարունակում: Մի՞թե չեք խորհում:

Այս այան նրանց մասին է, ովքեր Ղուրանը համարում էին մարգարեի երևակայությունների արտացոլանքը: Այան ասում է, որ Ղուրանի այաները նրա համար են, որ մարդիկ քնից արթանան ու գտնեն ճշմարիտ ճանապարհը: Այն ինչ անհրաժեշտ է իրենց երջանկության ու խաղաղության համար: Ղուրանը ներկայացնում է  այն ամենը, որ կարող է ոչնչացնել մարդուն: Իհարկե միայն նրանք են օգուտ քաղում այս խրատներից, որ մտածելու կարողություն ունեն: Եվ ոչ թե նրանք, որ ցանկանում են բավարարել իրենց ցանկասիրությունները:  Չնայած որ ընդդիմադիրներն անհարկի ու անտրամաբանական հայտարարություններ արեցին Ղուրանի մասին, այս գիրքը բոլոր մարդկանց հրավիրում է  խորհել իր այաների մասին: Այան ասում է, որ Ղուրանի այաների իմաստնությունը հասկանալու համար պետք է ունենալ բանականություն:

Այս այայից սովորում ենք.

1. Եթե մարդը հրաժարվում է  իրենից և իր ներքին հարստությունից, մեծ վտանգի է ենթարկում իրեն: Դա այն դեպքում, երբ Ղուրանը մարդուն փրկում է  ինքնամոռացումից:

2. Աստվածային մարգարեներից ու նրանց փրկարար ուսմունքներից հրաժարվելը տգիտության նշան է, քանի որ Ղուրանի իմաստնությունը ներդաշնակ է տրամաբանության հետ: