Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Սաջդե սուրահի 26-րդ այա

أَوَلَمْ یَهْدِ لَهُمْ کَمْ أَهْلَکْنَا مِنْ قَبْلِهِمْ مِنَ الْقُرُونِ یَمْشُونَ فِی مَسَاکِنِهِمْ ۚ إِنَّ فِی ذَٰلِکَ لَآیَاتٍ ۖ أَفَلَا یَسْمَعُونَ

Մի՞թե չգիտեն, թե քանի սերունդ ոչնչացրինք իրենցից առաջ: Նրանք քայլում են այդ ժողովուրդների (ավերված) կացարանների վրայով: Սրանք նշաններ են: Մի՞թե չեն լսում: 

Նախորդ հաղորդման ժամանակ ասացինք, որ Աստված խոստացել է պատժել նրանց, ովքեր բռնություն են գործադրել ուրիշների նկատմամբ: Այս այան, դիմելով նրանց, ասում է . «Արդյոք չեք տեսնում, թե մեղավոր ազգերին ինչպես ոնչացրեցինք  և հիմա դուք քայլում եք նրանց ավերակների վրա: Ադի և Սամուդի ցեղը գտնվում էր Լևանտի ճանապարհին և Ադի ու Սամուդի ցեղն այնցնում էր մի ճանապարհով, որով անցել էին մեծ ժողովուրդները, սակայն  իրենց մեղքի պատճառով, նրանց քաղաքակրթությունը ոչնչացվել էր: Այս ավերակներն ասես բարձրաձայնում են մի ճշմարտություն, որ անցյալից պետք է դասեր քաղել, սակայն այն  շատ քչերն են լսում:

Այս այայից սովորում ենք.

1. Պատմական կոթողները կարևոր վայր են անցյալից  դաս քաղելու համար:

2. Անցյալն ապագան լուսավորող ճրագ:  Մարդը պետք  է բացի իր աչքերն ու դաս քաղի անցյալից:

3 .Եթե մարդն ունենա լսող ականջ, կարող է  անցյալից դաս քաղել:

4. Պատմական կոթողների պահպանումը կարևոր է հատկապես նոր սերունդների համար, քանի որ նրանք պետք է դասեր քաղեն:

Սաջդե սուրահի  27 և 28-րդ այաներ

أَوَلَمْ یَهْدِ لَهُمْ کَمْ أَهْلَکْنَا مِنْ قَبْلِهِمْ مِنَ الْقُرُونِ یَمْشُونَ فِی مَسَاکِنِهِمْ ۚ إِنَّ فِی ذَٰلِکَ لَآیَاتٍ ۖ أَفَلَا یَسْمَعُونَ

وَیَقُولُونَ مَتَىٰ هَٰذَا الْفَتْحُ إِنْ کُنْتُمْ صَادِقِینَ

Մի՞թե չեն տեսնում, որ մենք ամպերի անձրևն ուղարկում ենք ամուլ դաշտերին, որպեսզի աճի հունձքը, որոնցով սնվում են իրենք ու իրենց հոտերը: Մի՞թե չեն տեսնում այս բանը:

Նրանք կհարցնեն. «Ե՞րբ  պիտի գա ձեր հաղթությունը: Ասացե՛ք, եթե ճշմարիտ եք խոսում»:

Նախորդ այայում խոսեցինք մեղավորների նկատմամբ աստվածային պատժի մասին: Այս այաներն անդրադառնում են բոլոր արարածների  նկատմամբ պատժին:  Այաներն ասում են. «Արդյոք չե՞ք տեսնում, թե Աստված ինչպես է ջուը հոսեցնում դեպի չորացած տարածքներ, որպեսզի հագենան և հարմար պայմաններ ստեղծվեն մարդկանց  ու կենդանիների գոյության համար: Իրականությունն այն է, որ բնականաբար երկիր մոլորակի վրա կան բազմաթիվ աշխարհագրական բարձրություններ, որոնց պատճառով հնարավոր  չէ ամենուրեք ոռոգել: Բացի այդ, ծովերի ու օվկիանոսների ջրերը դառն են ու աղի և դրանք հնարավոր չէ օգտագործել որպես խմելու ջուր: Աստված այնպես է արել, որ այդ ջրերը գոլորշիանան և այնուհետև ամպ դառնան ու հագեցնեն չոր ու ամայի տարածքները: Իսկ գոլորշիանալու ժամանակ, ծովի դառնությունն ու աղիութունը մաղվում են երկնքից: Սա բոլորն են տեսնում, սակայն  բոլորը չեն խորհում այդ մասին: Ով չգիտի, թե ոռոգումն ինչ մեծ նշանակություն ունի մարդու համար:

Այս այաներիից սովորում ենք.

1. Կենսոլորտը լավագույն միջոցն է Աստծուն  ճանաչելու համար, եթե մարդը ցանկություն ունենա դա հասկանալ:

2. Ամպերի շարժումը և անձրևի մաղումը շատ հեռու տեղերում, որոնք հասանելիություն չունեն ծովերին ու օվկիանոսներին, տեղի է ունենում Աստծու կամքով:

3. Անձրևի մաղելը և բույսերի աճն աստվածային այաների նշաններից է և չպիտի այդ մասին խորհել:

Սաջդե սուրահի 29-րդ և 30-րդ  այաներ

قُلْ یَوْمَ الْفَتْحِ لَا یَنْفَعُ الَّذِینَ کَفَرُوا إِیمَانُهُمْ وَلَا هُمْ یُنْظَرُونَ

فَأَعْرِضْ عَنْهُمْ وَانْتَظِرْ إِنَّهُمْ مُنْتَظِرُونَ

Ասա (նրանց). «Հաղթանակի օրն այլևս անօգուտ կլինի, եթե անհավատները սկսեն հավատալ: Եվ նրանք այլևս (զղջալու) ժամանակ չեն ունենա:

Հեռացիր նրանցից ու սպասիր: Նրանք նույնպես պիտի սպասեն:

Այս այաները որ համարվում են Սաջդե սուրահի վերջին այաները, ասում են, «Անհավատներն ու կռապաշտները մշտապես մարգարեից լսում էին, որ ճշմարտությունը հաղթելու է ստին և այդպիսի խոստում էին տվել հավատացյալներին: Սակայն անհավատները, ծաղրելով մարգարեին, ասում էին. «Ե՞րբ է գործադրվելու այդ պատիժը: Արդյոք այն  մեզ պարուրելո՞ւ է այս աշխարհում»:

Ի ապատասխան, Աստված ասում է . «Այդ օրը գալու է և չկարծեք, թե այդ ժամանակ կընդունվի ձեր հավատքի գալը: Այդ օրը զղջալու և սխալը հատուցելու ժամանակ չի լինելու: Սուրահի վերջին այան պատվիրում է հեռու մնալ այսպիսի մարդկանցից, ովքեր չնայած հասկանոմ են ճշմարտությունը, սակայն ծաղրում են այն: Այան ասում է. «Սպասեք, որ Աստված դատի ձեր ու մեր միջև»:

Այս այաներից սովորում ենք.

1. Հարցը պետք է տրվի ոչ թե ծաղրանքի, այլ ճշմարտությունն ընկալելու համար:

2. Հավատքը պետք է մշտապես առաջնորդի մարդուն, անկախ հանգամանքներից:

3. Երբ տրամաբանությունն ու խրատն ազդեցություն չեն ունենում մոլորյալների վրա, նրանցից պետք է հեռու մնալ: