Ելք դեպի լույս 768
Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:
Ահզաբ սուրահի 51-րդ այա
Քո ցանկությամբ կկարողանաս քո կանանց հետ (փարվելու) ժամանակը հետաձգել և նրանցից որ մեկին ցանկանաս, քեզ մոտ տեղավորել: Երբ նրանցից ոմանց, որ արձակել էիր, կրկին ցանկանաս, հանցավոր չես դառնա: Այսպես ավելի հեշտ կլինի նրանց մխիթարել, որպեսզի կրկին երջանկացնես այն սիրտը, որտեղ բույն էր դրել տխրությունը, և որպեսզի բոլորը գոհ լինեն այն ամենից, ինչ տալիս ես իրենց: Աստված ծանոթ է ձեր սրտի խորքերին: Նա գիտուն և համբերատար է:
Նախորդ հաղորդման ժամանակ ասացինք, որ մարգարեն իր կնոջ՝ Խադիջայի մահից հետո, 53 տարեկանում, ամուսնացավ մի քանի կանանց հետ: Ամուսնությունների մեծ մասը տեղի ունեցան կանանց ընտանիքների առաջարկով: Դրանց մի մասի նպատակն այրի կանանց խնամակալությունը ստանձնելն ու նրանց ապահովելն էր: Պետք է ասել, որ մարգարեի կանանցից բոլորը, բացի մեկից, այրի են եղել և այդ պատճառով, նա մեծ թվով երեխաներ չի ունեցել:
Այդ կանայք պատրաստ էին առանց որևէ սպասելիքի դառնալ մարգարեի կինը: Աստված այս այայում դիմելով մարգարեին, ասում է . «Կանանց հետ քո ժամանակն այնպես անցկացրու, որպեսզի կարողանաս բավարարել բոլորի գոհունակությունը: Իհարկե կանանց մի մասը մարգարեից անտեղի սպասելիքներ ուներ: Բայց մարգարեն փորձում էր հնարավորինս ապահովել այդ կանանց խաղաղ կյանքը:
Այս այայից սովորում ենք.
1. Կրոնական կամ այլ պարտավորությունները չպետք է պատճառ դառնան, որ տղամարդը հեռանա իր ընտանիքի նկատմամբ պատասխանատվությունից:
2 .Կինը պետք է աջակցի տղամարդուն, որն ունի հասարակական կարևոր պարտականություններ:
3. Տղամարդը կնոջ համար պետք է ստեղծի ապահով կյանք:
Ահզաբ սուրահի 52-րդ այա
Այժմ քո կանանցից բացի այլ կին չպիտի ունենաս: Դու չես կարող նրանց փոխարինել այլ կանանցով, որոնց գեղեցկությունը կգրավի քո ուշադրությունը՝ բացառությամբ գերի կանանցից: Աստված ամեն բան գիտի:
Այս այան ասում է, որ երբ ամուսնության առաջարկները շատ են լինում, այս այան իջնում է մարգարեի համար: Այան ասում է . «Ով մարգարե, այլևս ոչ մի կնոջ ամուսնության առաջարկին դրական պատասխան մի տուր և ասա, որ Աստված քեզ արգելել է ամուսնանալ: Եվ եթե անգամ քեզ առաջարկեն ամուսնալուծվել մի քանի կանանցից՝ ուրիշների հետ ամուսնանալու համար, մի ընդունիր այդ առաջարկը, եթե անգամ այդ կանայք երիտասարդ ու գեղեցիկ լինեն»:
Այս այայից սովորում ենք.
1. Ղուրանի ճշմարտացիությունը փաստում են այս այաները, որոնք մարգարեի համար սահամնափակումներ են կիրառել:
2. Եթե Ղուրանը մարգարեի հեղինակած գիրքը լիներ, մարգարեի իրավունքները սահմանափակող այաներ չէին լինի:
3. Աստված անընդունելի է համարում որպեսզի տղամարդը ամուսնալուծվի իր կնոջից ՝ ավելի երիտասարդ կնոջ հետ ամուսնանալու համար:
Ահզաբ սուրահի 53-րդ և 54-րդ այաներ
إِنْ تُبْدُوا شَیْئًا أَوْ تُخْفُوهُ فَإِنَّ اللَّهَ کَانَ بِکُلِّ شَیْءٍ عَلِیمًا
Ո՛վ հավատացյալներ, առանց թույլտվության մի մտեք մարգարեի տուն, մինչև որ ինքը ձեզ չհրավիրի նստել սեղանի մոտ: Այդ ժամանակ ընդունեք նրա հրավերը և ճաշից հետո առանձին-առանձին դուրս եկեք ու երկար-բարակ մի խոսեք, այլապես կզայրացնեք նրան: Մարգարեն չի ասում ձեզ սա, որովհետև ամոթխած է, բայց Աստված չի ամաչում ճշմարտությունն ասելիս: Եթե նրա կանանց որևէ բան ունեք ասելու, ասեք դա, երբ նրանց դեմքը վարագուրված է, ու մի ամուսնացեք նրա կանանց հետ: Հակառակ դեպքում Հավիտենականի աչքին ոճիր գործած կլինեք:
Ձեր արարքները հայտնեք թե գաղտնի պահեք, միևնույն է, դրանք գաղտնիք չեն Աստծու համար:
Այս այաները, դիմելով հավատացյալներին, խոսում են հյուրընկալվելու և հասարակական այլ կանոնների մասին: Դիմելով հավատացյալներին, այաններն ասում են.
1. Երբեք առանց նախազգուշացնելու մեկի տուն մի գնացեք:
2. Եթե հրավիրվել եք, գնացեք ժամանակին:
3. Եթե ձեզ չեն հրավիրել, սակայն դուք պարտավոր եք այցելել տվյալ վայր, զգուշությամբ մուտք գործել այնտեղ, որպեսզի ապացուցեք ձեր բարեպաշտությունն ու քաղաքավարությունը:
Այս պատվիրանները կարևորվում էին հատկապես մարգարեի տանը հյուրընկալվելու ժամանակ, որպեսզի հյուրերը որևէ կերպ նրան չանհանգստացնեին:
Այս այաներից սովորում ենք.
1. Հավատացյալը պետք է նաև քաղաքավարի լինի:
2. Յուրաքանչյուր տուն ունի իր սահմանը, որը ոչ մեկը չի կարող ոտնահարել:
3. Հյուրընկալությունը մշտապես խրախուսվում է հավատացյալների համար, իսկ հյուրը պետք է պահպանի որոշակի կանոններ:
4. Հասարակական հարաբերություններում շատ կարևոր է սահման ճշտելը: Հիջաբը հենց այդ նպատակն է հետապնդում, որպեսզի պահպանվի կանանց մաքրությունը :