Ելք դեպի լույս 780
Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:
Սաբա սուրահի 31-րդ այա
Անհավատներն ասում են. «Մենք չենք հավատալու ոչ Ղուրանին և ոչ էլ նվիրական մատյաններին»: Երբ նրանք Աստծու դատաստանի առջև կանգնեն, քանի-քանի մեղքի տակ ընկճված են լինելու. թույլերն ասելու են ուժեղներին. «Եթե դուք չլինեիք, մենք հավատք ընդունած կլինեինք»:
Այս այան ասում է.-«Անհավատները ժխտում են այն, ինչ ներկայացվել է երկնային ու հանդերձյալ կյանքի մասին: Թվում է, որ նրանք որոշել են չընդունել ճշմարտությունը: Ըստ երևույթին, նրանք քնած են և չեն ցանկանում քնից արթնանալ: Այան ասում է, որ հանդերձյալ կյանքը ժխտողները հանդերձյալ կյանքում փորձելու են արդարանալ ու իրենց մեղքը բարդել ուրիշների վրա: Նրանք դիմելով հասարակության մեծամեծներին, որոնք նույնպես մեղավոր են, ասելու են. Դուք մեզ մոլորեցրիք, հակառակ դեպքում մենք կհավատայինք:
Այս այայից սովորում ենք.
1. Մարդու կարծրամտությունը մարդուն տանում է դեպի մոլորություն: Մարդը պետք է ճկուն լինի և ճշմարտությունն ընդունի, հակառակ դեպքում չի կարող հավատքի գալ:
2. Բոլոր երկնային գրքերը մեկ նպատակ են հետապնդում, ուստի անհավատները դրանցից ոչ մեկին չեն հավատում:
3. Անհավատությունն ու կռապաշտությունը չարիք են, որ անհավատը գործում է ոչ միայն իր, այլ մարգարեների նկատմամբ:
4. Կրոնական մշակույթում երբ մարդն ինքն իր նկատմամբ է չարիք գործում, համարվում է հանցագործություն:
5. Հարության ժամանակ հավատքը ամենակարևոր գործոնն է մարդու փրկության համար:
Սաբա սուրահի 32-րդ և 33-րդ այաներ
Ու այն ժամանակ ուժեղները պիտի պատասխանեն թույլերին. «Մենք երբեք չենք արգելել ձեզ ճիշտ ճանապարհով ընթանալ, երբ այն երևաց: Ձեր անհավատության հանցանքը միայն ձերն է»:
Ու թույլերը կասեն ուժեղներին. «Դուք գիշեր-ցերեկ ծուղակներ էիք լարում մեր դեմ: Դուք հրամայեցիք, որ անհավատ ու կռապաշտ լինենք»: Բոլորն էլ պիտի թաքցնեն իրենց զղջումը, որպեսզի ավելի չխայտառակվեն: Ամբարիշտների վզից պիտի կախենք շղթաները: Հնարավո՞ր է, որ իրենց արարքների դիմաց այլ պատիժ ստանան:
Այս այաներում մի քանի անգամ կիրառվել է Մոսթազաֆ բառը, որը նշանակում է մարդիկ, ովքեր աչք ու ականջը փակ հետևում են ուրիշներին և իրենք չեն մտածում: Այաներում կիրառվել է նաև Մոսթաքբեր բառը որը վերաբերում է այն մարդկանց, ովքեր իրենց դիրքը չարաշահելով, մոլորեցնում են մյուսներին: Բնականաբար, վերջիններս մարդկանց ուղղակի չեն հրավիրում հետևել իրենց, այլ տարբեր քարոզչական աշխատանքներով մարդկանց մեջ տարածում են իրենց անհավատության վրա հիմնված գաղափարախոսությունը: Նրանք փորձում են շվայտ կյանքի դրսևորումներով խաբել մարդկանց և մոլորեցնել նրանց: Այս այաներից կարելի է հասկանալ, որ յուրաքանչյուր մարդ, որքան էլ որ քիչ տեղեկացված լինի, պետք է հետևի իր մաքուր բնազդին ու բանականությանը, որպեսզի չմոլորվի: Իհարկե բռնատեր ուժերն անպայման դատվելու են, սակայն մոստազաֆները չպետք է արդարացվեն ու խուսափեն պատասխանատվությունից:
Այս այաներից սովորում ենք.
1. Չնայած անբարո հասարակությունը մեծապես ազդում է մարդկանց վրա, սակայն մարդիկ պետք է անկախ լինեն ու չմոլորվեն: Ուստի մարդիկ չպետք է մեղք գործեն ու դրա համար մեղադրեն հասարակությանը:
2. Դատաստանի օրը մարդիկ չեն կարողանալու իրենց մեղքերն ուրիշների վրա բարդել:
2. Նրանք, ում երկնային գրքերի պատգամը հասել է, սակայն նրանք չեն ընդունել այն, պետք է դատաստանի օրը պատասխան տան:
4. Անհավատները, ովքեր ունեն ուժ ու կարողություն, գիշեր ցերեկ փորձում են մարդկանց մեջ քարոզել իրենց սուտ գաղափարախոսությունը և թույլ չտալ մտածել: Այդպիսով, նրանք մարդկանց հեռացնում են ճշմարիտ ճանապարհից:
5. Մոլորվածներն իրենց հետ մյուսներին էլ մոլորեցնում են և այդպիսով ավելի են նպաստում հասարակության մոլորվածությանը: