Ելք դեպի լույս 781
Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:
Սաբա սուրահի 34 և 35-րդ այաներ
وَقَالُوا نَحْنُ أَکْثَرُ أَمْوَالًا وَأَوْلَادًا وَمَا نَحْنُ بِمُعَذَّبِینَ
Ամեն անգամ, երբ մի առաքյալ մեր սպառնալիքները քարոզեց մի հանցավոր քաղաքի ներսում, մեծամեծները նրանց ստախոս հայտարարեցին:
Իրենց հարստությամբ ու բազմաթիվ զավակներով հպարտ` նրանք կարծում են, որ զերծ են մնալու մեր վրեժխնդրությունից:
Այս այաներն ասում են,-Բռնատեր ուժերը, որ Աստծու բարիքները շվայտորեն օգտագործում են և իրենց ավելի բարձր են համարում, կարծելով, թե դրա համար է, որ ունեն հարստություն և հռչակավոր գերդաստան, չեն հավատում մարգարեի խոսքերին ու ուղերձներին և հայտարարում են, որ պատրաստ չեն հավատալ մարգարեներին ու նրանց գրքերին: Նրանք ասում են. Եթե անգամ դատաստանի օրը գա, Ատսված մեզ չի պատժի, որովհետև մենք ունենք զավակներ ու հարստություն:
Այս այաներից սովորում ենք.
1. Երբեմն ուժն ու հարստությունն այնքան են կուրացնում մարդկանց, որ նրանք հրաժարվում են հավատալ մարգարեների ուսմունքներին ու չեն ընդունում ճշմարտությունը:
2. Հարուստ լինելը չի նշանկում լինել Աստծու մերձավորը: Ընդհակառակը, նրանք, ովքեր ունեն հնարավորություններ, ավելի պատասխանատու են հասարակության նկատմամբ:
3. Եթե հարուստ մարդը գոռոզամիտ լինի, այդ հարստությունը նրան կտանի մոլորության:
4. Եթե մարդն այս աշխարհում հանգիստ է ապրում, դա չի նշանակում, որ հանդերձյալ կյանքում նույնպես այդպես է լինելու: Շատերն այս կյանքում հանգիստ ապրում են, սակայն հանդերձյալ կյանքում՝ պատժվում:
Սաբա սուրահի 36-րդ այա
Ասա նրանց. «Աստված Իր կամքով բաժանում կամ խնայում է Իր շնորհները, բայց մարդիկ մեծ մասամբ տգետ են»:
Եթե մարդն ունի հարստություն և օգտվում է որոշակի բարիքներից, դա չի նշանակում, որ նա ավելի մեծ ուշադրության է արժանացել Աստծու կողմից: Եվ հակառակը՝ նա ով չունի հարստություն, չի նշանակում, որ նա մերժվել է Աստծու կողմից: Այս տարբերությունները հիմնված են Աստծու գիտության վրա և կապ չունեն աստվածային բարության կամ զայրույթի հետ: Իհարկե շատերը սա չգիտեն ու սխալ ենթադրություններ են անում:
Այս այայից սովորում ենք.
1. Եթե Աստված որևէ մեկին բարիք է տալիս, դա նրա իմաստնությունից է:
2. Մարգարեների պարտականություններից է ուղղել սխալ ենթադրությունները:
3. Հարստությունն ու զավակները համարենք Աստծու պարգևած բարիք: Ուրեմն պետք է մշտապես երախտապարտ լինեք Աստծուն:
Սաբա սուրահի 37 –րդ այա
Ձեր զավակների ու ձեր գանձերի շնորհիվ չէ, որ դուք մերձենում եք հավիտենականին: Նա վարձատրում է միայն հավատքն ու բարի գործերը: Շքեղ են նրա վարձատրությունները: Առաքինի հավատացյալը խաղաղության մեջ հանգչելու է երանության բնակավայրում:
Պետք է ասել, որ Ղուրանի Թաղաբոն սուրահի համաձայն, աստվածային բոլոր բարիքները մարդուն տրվում են որպես փորձություն: Շատերն օգտվելով այդ բարիքներից, իրենք էլ բարեգործությամբ են զբաղվել և հանդերձյալ կյանքում արժանացել են բարիքների: Իսկ շատերը այդ հարստությունն ունենալով ագահացել են ու բռնություն գործադրել ուրիշների նկատմամբ: Մեկ այլ խումբ, զրկված լինելով բարիքներից, ոչ մի հանցագործություն չի անում և հանդերձյալ կյանքում պարգևատրվում է դրա համար: Լինում է նաև, որ աղքատները գողություն են անում, ինչի համար պատժվում են Աստծու կողմից:
Այնուհետև այան ասում է. «Աստված սիրում է միայն նրանց, ովքեր հավատք ունեն ու բարի գործ են անում: Սպառող լինելու փոխարեն, աjս երկու կարևոր սկզբունքին պետք է ուշադրություն դարձնեն նրանք,ովքեր Աստծու համար են բարի գործ անում, փրկված են ու երջանիկ: Հակառակ դեպքում, կզրկվեն երջանկությունից , հարուստ լինեն,թե՝ աղքատ:
Այս այայից սովորում ենք.
1. Շատ մարդիկ հարստությունն ու զավակը երջանկություն են համարում, այն դեպքում, երբ Աստված ասում է, որ երջանկության ու փրկության համար անհրաժեշտ են հավատք ու գործ:
2. Հարստություն ու հնարավորություն ունենալը կարևոր չէ: Կարևոր է դրանք ճիշտ օգտագործել հանուն հավատքի ու գործի: Դա կնպաստի, որպեսզի մարդը կատարելագործվի:
3. Աստվածային պատիժները լինում են տարբեր: Եվ մարդը որքան հանցանք է գործում, այնքան էլ պատժվում է: Սակայն Աստծու պարգևներն ավելի բարձր են և մի քանի անգամ գերազանցում են այն բարի գործերին, որ մարդիկ կատարում են: